ئەمرۆ هەولێر یەكەم یاری لەیاریگای خۆی ئەنجامدەدات

19/09/2019 - 09:08 بڵاوکراوەتەوە لە وەرزش/كوردستانی

 

بریارە ئەمرۆ لە گەڕی یەكەمی خولی نایابی عێراق هەردوو یانەی هەولێر و نەفتی باشوور رووبەرووی یەكترببنەوە".

ئەمە یەكەم یارییە بۆ یانەی هەولێر لە وەرزی 2019 – 2020 یارییەكەش لەسەر یاریگای فرانسۆ هەریری ئەنجامدەدات".

یارییەكە لە كاتژمێر(6:00)ـی ئێوار ئەنجام دەدرێت ، هەولێر بەسەركردایەتی راهێنەر ئەكرەم سەلمان دەیەوێت ئەنجامەكانی وەرزی رابردوو لەیاد بكەن ، بۆ ئەوەی بتوانن لەریزبەندی پێشەوە نزیكببنەوە".

بۆ ئەم وەرزەش ، هەولێر سێ یاریزانی پیشەگەری گواستۆتەوە ریزەكانی ، تیگانی بلعیدی تونسی و كریستۆڤەر میندۆگای كامیرۆنی و ئەبراهام ئەسیدۆ درێسی هەولێر دەپۆشن".