یانەی ئاسۆ (6) یاریزانی نوێ و راهێنەری گۆڵپارێزانی پێشكەشی راگەیاندنەكان كرد

20/11/2019 - 09:35 بڵاوکراوەتەوە لە وەرزش/كوردستانی

 

یانەی وەرزشی ئاسۆ شەش یاریزانی نوێ و راهێنەری گۆڵپارێزەكانی پێشكەشی راگەیاندنەكان و هاندەران كرد".

لەبارەگای یانەی وەرزشی ئاسۆ ، لەكۆنگرەیەكی رۆژنامەوانی و بە ئامادەبوونی سەرۆك و ئەندامانی دەستەی كارگێری یانەكە ، یانەی ئاسۆ شەش یاریزانی نوێی پێشكەشی راگەیاندنەكان كرد".

یانەی ئاسۆ بەر لە دەستپێكردنی وەرزی نوێی خولی پلە یەكی كوردستان هەریەكە لە (یونس شوكر و یوسف قادر و دەشتی كازم و ئەحمەد سیروان و محمد خالید و هیوا موحسین) پێشكەشی راگەیاندنەكان كرد".

جگە لەم یاریزانانە ، یانەی ئاسۆ (دڵشاد خدر)ـی راهێنەری گۆڵپارێزەكانی پێشكەشی راگەیاندنەكان كرد ، كە پێشتر لەیانەكانی ئاڵا و بروسك و ئارارات كاری كردووە".

لەلێدوانێكیدا حازم كازم سەرۆكی یانەی وەرزشی ئاسۆ رایگەیاند : " تیپەكەمان بەباشی خۆی بۆ وەرزی نوێ ئامادەكردووە ، دەمانەوێت سەركەوین بۆ خولی نایابی كوردستان ، یاریزانەكانیش بەشێوەی خۆبەخش پەیوەندیان بەریزەكانمانەوە كردووە، ئێمەش شانازییان پێوەدەكەین".