هەولێر دەستبەرداری (11) یاریزان بووە

چوار شەممە, 03 کانونی دووەم 2018 06:31

 

یانەی هەولێر بۆ وەرزی نوێی خولی نایابی كوردستان و خولی پلەیەكی عێراق لە ئامادەكاری و رێكخستنەوەی پێكهاتەكەی بەردەوامە، لە ئێستادا دەستبەرداری 11 یاریزان بووە و گواستنەوەی 3 یاریزانیشی راگەیاند.

محەمەد خۆشناو سەرپەرشتیاری تیپی تۆپی پێی یانەی هەولێر لە لێدوانێكدا بۆ كوردستان24 ئاشكرای كرد كە یانەكە دەستبەرداری 11 یاریزان بووە و هۆشداریش دراوەتە بەشێكی دیكە لە یاریزانەكان ئاستی خۆیان پێشبخەن.

محەمەد خۆشناو ناوی 3 یاریزانیشی بۆ كوردستان24 ئاشكرا كرد كە بە فەرمی پەیوەندییان بە یانەی هەولێر كردووە كە پێكهاتوون لە هیدایەت لەتیف هێرشبەری لاوی وەرزی رابردووی یانەی هەندرێن، بیلال یووسف بەرگریكاری پێشووی یانەی پێشمەرگەی هەولێر، سیواد ئەحمەد ناوەراستكاری وەرزی رابردووی یانەی ئارارات.

محەمەد خۆشناو كاپتن و هێرشبەری پێشووی یانەی هەولێر ئاماژەی بۆ ئەوەش كرد كە بارزان شێرزاد، میران خەسرۆ و كۆسرەت بایز لە خولی نایابی كوردستان یاری بۆ یانەی هەولێر دەكەن.