لەیارییەكی دۆستانە و ئامادەكاری بۆ وەرزی نوێ ، ئاسۆ لە برایەتی بردەوە

یەک شەممە, 21 کانونی دووەم 2018 07:48

 

لەدرێژەی یارییەكانی دۆستانە و ئامادەكاری بۆ وەرزی نوێی خولی یانە پلە دووەكانی كوردستان هەردوو یانەی ئاسۆ و برایەتی رووبەرووی یەكتربوونەوە.

لەیارییەكەدا كە كاتژمێر (2:30) دوای نیوەرۆ بەكاتی هەولێر لەیاریگای دووەمی یانەی وەرزشی هەولێر بەرێوەچوو ، یانەی ئاسۆ بە ئەنجامی (2 – 1) گۆڵ لە یانەی برایەتی بردەوە.

راهێنەرانی هەردوو یانە پشتیان بە چەند پلانێكی جیاواز بەستا و چەند یاریزانێكی نوێیان تاقیكردەوە ، ئەویش بەمەبەستی زیاتر ئامادەكاری بۆ وەرزی نوێ كە بریارە مانگی ئازارد دەستپێبكات.

جێی باسە ئاسۆ لەیاری رابردوو لەیاریگای خۆی پێشوازی لە یانەی زێرەڤانی كرد و بە ئەنجامی (2 – 0) دووچاری دۆراندن هات".

كامەران جەبار راهێنەری یانەی وەرزشی ئاسۆ لە لێدوانێكیدا لەبارەی ئامادەكارییەكانی تیپەكەی بۆ وەرزی نوێ وتی : " ئێمە ماوەیەكی زۆرە دەستمان بە مەشق و ئامادەكاری كردووە و تپێكی تۆكمەمان بۆ وەرزی نوێ پێكهێناوە".

دەشڵێت : " ئێمە پلانمان داناوە بۆ ئەوەی تیپەكەمان سەربخەین بۆ خولی یانە پلە یەكەكانی كوردستان ، بۆ ئەمەش لەسەر رێرەوێكی راست و درست هەنگاو دەنێین".


 

رێكان عزیز