ڤیدیۆ ... ببینە ئەم ناوبژیوانەی كوردستان كاتێك گوێی لە بانگ دەبێت چی دەكات

شەممە, 10 شوبات 2018 06:32

 

ناوبژیوانێكی كوردستان كاتێك گوێی لە بانگی عەسر دەبێت ، راستەوخۆ یارییەكە دەوەستێنێت تا ئەوكاتەی بانگەكە تەواو دەبێت ئینجا دەست بە یاری دەكاتەوە.

هێمن عەبدولستار ناوبژیوانی خۆبەخشی كوردستان كە خەڵكی شاری هەولێرە ئەمرۆ لەیاری دۆستانەی نێوان هەردوو یانەی ئاسۆ و رواندوز كاتێك گوێی لە بانگی عەسر دەبێت بە فیكەیەك یارییەكە دەوەستێنێت ، تا ئەو كاتەی بانگەكە تەواو دەبێت.

هێمن عەبدولستار لە لێدوانێكی تایبەت بە ماڵپەری كوردیو سپۆرتی راگەیاند : " من سەرسامبووم بە رووداوەكەی مارتن كلاتینبێرگ كە لەیارییەكی خولی سعودی گوێی لە بانگ بوو ، بۆ یەكەم جار یاری وەستاند و رێزی لە بانگەكە گرت".

دەشڵێت : " من ویستم ببمە دووەم كەس لە هەموو جیهان و یەكەم كەس لەعێراق و كوردستان هەمان شت بكەم و رێز لە بانگ بگرم و یاری بوەستێنم".

ناوبژیوانە كوردەكە ئەوەیشی وت : " من وەك ناوبژیوانێكی خۆبەخش كاری ناوبژیوانی دەكەم و سەر بە یەكێتی تۆپی پێی كوردستان نیم و تەنها بۆ خزمەتكردنی وەرزش كار دەكەم".

دەشڵێت : " من یەكەم كەس بووم لەهەموو عێراق كارتی سەوزم بەكارهێنا كە پێش چوار ساڵ لە ئیتاڵیا جێبەجێ كرا ، هەر من یەكەم كەسم لە كوردستان لەیارییە دۆستانەكان سپرای دیاریكردنی هێڵی تۆپی جێگیركراو بەكاردەهێنم".

هێمن تەمەنی (38) ساڵە و لەگەڵ تیمێك كار دەكات كە نزیكەی (12) ناوبژیوانن و لە زۆربەی یارییەكان (6) ناوبژیوان ئامادە دەبن و سیستەمی ناوبژیوانی پشت گۆڵەكانیش جێبەجێ دەكەن".

بۆ بینینی ڤیدیۆییه‌كه‌ سه‌رانی ئه‌م لینكه‌ بكه‌:

http://cutt.us/TpmGA


 

رێكان عزیز