وێنە .. ئاسۆ لە شەقڵاوەی بردەوە و پێویستی بە یەك یارییە تا بگەرێتەوە خولی پلە یەكی كوردستان

پێنج شەممە, 26 نیسان 2018 06:18

 

لەمیانی یارییەكانی قۆناغی چارەكی كۆتایی پاڵەوانیەتی پلە دووی كوردستان هەردوو یانەی ئاسۆ و شەقڵاوە رووبەرووی یەكتربوونەوە".

لەیارییەكەدا یانەی ئاسۆ لەدەرەوەی یاریگای خۆی بە ئەنجامی (2 – 1) بردنەوەی تۆماركرد و خۆی لە قۆناغی پێشكۆتایی نزیككردەوە".

لە گرووپی یەكەمدا ئاسۆ و بروسك و شەقڵاوە و شێخان بەشدارن ، لەیاری یەكەمدا ئاسۆ لە شەقڵاوەی بردەوە و لە یاری دووەمدا بروسك لە شێخانی بردەوە".

بەپێی خشتەی یارییەكان هاتووە ، یانەی ئاسۆ رووبەرووی یانەی بروسك دەبێتەوە ، براوەی ئەم یارییە دەگاتە قۆناغی پێشكۆتایی و بەشێوەیەكی فەرمی سەردەكەوێت بۆ خولی پلە یەكی كوردستان ، دۆراویش بەرامبەر براوەی شەقڵاوە و شێخان یاری دەكات.

یانەی ئاسۆ ئامادەكارییەكی تەواویكردووە بۆ ئەوەی خۆی لە خولی پلە یەكی كوردستان ببینێتەوە و وەرزی داهاتوو كێبركێ لەسەر ئەم خولە بكات ، بۆ ئەمەش ماوەی (6) مانگە سەرقاڵی ئامادەكارییەكان بوون".


 

رێكان عزیز