كوردستان بووە پاڵەوانی كۆنگفۆی ئێران

سێ شەممە, 17 تەمموز 2018 05:41

 

 

یانەی كوردستان بە سێ مەدالیای زێڕو یەك بڕۆنز پلەی یەكەمی پێشبڕكێی كۆنگفۆی گەورە ساڵانی ئێرانی مسۆگەر كرد.

لەپەیوەندییە گشتییەكانی ئیدارەی وەرزش و لاوانی كوردستان، كێبەركێی سەرتاسەری كۆنگفۆی گەورە ساڵانی ئێران بە سەركەوتنی یانەی كوردستان كۆتایی پێ هات.

ئەم پێشبركێیانە بۆ ماوەی دوو ڕۆژو بە بەشداری (32) پارێزگای سەرتاسەری ئێران لە كەرەج بەڕێوەچوو.

لە كۆتایی ئەم پێشبڕكێیانە، یانەی كوردستان بە (24) خاڵ لە پلەی یەكەمدا جێگیر بوو، كەرەج بە (22) خاڵ بووە دووەم و ئیلام بە (20) خاڵ پلەی سێیەمی پێشبڕكێكانی بە دەست هێنا.

(بەلال ڕوستەمی، ڕامیار كەریمی و كەیوان باقری) سێ وەرزشوانی كورد بوون كە توانیان سێ‌ مەدالیای زێڕ بە دەست بێنن و (حوسێن فەلاح) یش توانی مەدالیای بڕۆنز مسۆگەر بكات.

یانەی كوردستان بە (11) یاریزانی كۆنگفۆ بە سەرپەرشتی (موحەمەد باستان) و ڕاهێنەری (باقر موحەمەدی) لەم پێشبركێیانە بەشداری كرد بوو.

 

ئـ . كـ