بەهۆی سروودی نیشتیمانییەوە داوای لێبوردن دەكرێت

06/06/2016 - 09:51 بڵاوکراوەتەوە لە وەرزش/جیهانی

 

یەكێتی تۆپی پێی ئوروگوای دڵتەنگی خۆی بەرامبەر ئەو هەڵەیە دەربری كاتێك لەیاری تیپەكەیان بەرامبەر هەڵبژاردەی مەكسیك سروودی نیشتیمانی بەهەڵە لێدرا".

لەیارییەكانی كۆپا ئەمریكا كە ئێستا یارییەكانی لە ووڵاتی ئەمریكا بەردەوامە ، لەبڕی لێدانی سروودی نیشتیمانی ئۆروگوای ، سرودی نیشتیمانی چیلی لێدرا ، لەكاتێكدا ئەو هەڵبژاردەیەی دووەم یاری نەبووە".

یەكێتی تۆپی پێی ئۆروگوای دوای یارییەكە بەیاننامەیەكی دەركرد و نوسیویەتی : " ئەوەی بەرامبەر ئێمە كرا سووكایەتییە و هەڵەكە جێی ئەوە نییە ببەخشرێت".

لەلایەن خۆیانەوە لێژنەی رێكخەری پاڵەوانیەتی كۆپا ئەمریكا هەر زوو بەیاننامەیەكی دەركرد و داوای لێبوردنیان پێشكەشی یەكێتی تۆپی پێی ئۆروگوای كرد و پێیان وایە هەڵەكە بەمەبەست نەبووە و تەكنیكی بووە".


 

رێكان عزیز