بڕیارێكی ئەنچیلۆتی ریال مەدرید و مانچستەر سیتی دڵخۆش دەكات

20/07/2016 - 08:46 بڵاوکراوەتەوە لە وەرزش/جیهانی

 

كارلۆ ئەنچیلۆتی ئیتاڵی و راهێنەری نوێی یانەی بایرن میونخ راشكاوانە رایگەیاند تیپەكەی پێویستی بە تواناكانی ئەستێرەیەكی یانەی شالكە نییە ، ئەم بڕیارەش بەرپرسانی ریال مەدرید و مانچستەر سیتی دڵخۆش دەكات".

ئەنچیلۆتی لە لێدوانێكیدا سەبارەت بە گواستنەوەی (لیروی سانی) ئەستێرەی یانەی شالكەی ئەڵمانی ووتی : " تیپەكەمان زۆر نایابە ، چەند ئەستێرەیەكمان هەیە لە شوێنە جیاوازەكان یاری دەكەن ، بۆیە پێویستیمان بە هیچ یاریزانێك نییە".

ئەنچیلۆتی بۆ ئاژانسی (ESPN) ووتی : " لەئێستادا تەنها خۆمان بە مەشقەكان سەرقاڵ دەكەین و دەمانەوێت تۆمارێكی باش لەسەرەتای وەرز تۆماربكەین بۆیە بۆند لەگەڵ هیچ یاریزانێك واژۆ ناكەین".

ئەم بڕیارەی ئەنچیلۆتی بەرپرسانی ریال و مان سیتی دڵخۆش دەكات چونكە هەردوو یانە لەسەر هێڵن بۆ گواستنەوەی سانی تەمەن (20) ساڵان".


 

رێكان عزیز