بۆ پەیوەندیكردن بەریال و بارسا نیمار ئەم مەرجەی هەیە

13/08/2019 - 14:13 بڵاوکراوەتەوە لە وەرزش/جیهانی

 

نیمار داسیلڤای بەرازیلی و ئەستێرەی یانەی پاریس سان جێرمان رازی بووە پەیوەندی بە یەكێك لە یانەكانی ریال مەدرید یان بەرشلۆنە بكات ، بەڵام بۆ ئەمەیان مەرجی هەیە".

ماڵپەری (لی 10 سپۆرت)ـی فەرەنسی رایگەیاندووە : " یانەی پاریس سان جێرمان بەشێوەیەكی ناچارانە بریاریداوە دەستبەرداری نیمار بێت ، بەهۆی ئەوەی یاریزانەكە نایەوێت لەفەرەنسا بمێنێتەوە".

ماڵپەرە فەرەنسییەكە ئەوەیشی راگەیاندووە : " نیمار بۆ پەیوەندیكردن بەیەكێك لە یانەكانی ریال یان بارسا مەرجی هەیە ، ئەویش پێدانی بری (30) ملیۆن یۆرۆیە وەك مووچەی ساڵانە".

ئەو سەرچاوەیە دەڵێت : " هەرچەندە هەردوو یانەی بەرشلۆنە و ریال مەدرید بەبەهێزییەوە كار بۆ گواستنەوەی نیمار دەكەن بەڵام هیچیان ئامادە نین بڕی (30) ملیۆن یۆرۆ وەك مووچە دابین بكەن".