بەهۆی دیمبلییەوە ، بەرشلۆنە تووشی دڵتەنگی بووە

24/08/2019 - 11:53 بڵاوکراوەتەوە لە وەرزش/جیهانی

 

ئەریك ئەبیدالی فەرەنسی و سكرتێری یانەی بەرشلۆنە بێ هیوایی و دڵتەنگی خۆی بەرامبەر رەفتارەكانی عوسمان دیمبلی راگەیاند".

رۆژنامەی ماركای ئیسپانی دەڵێت : " كۆبوونەوە لەنێوان ئەبیدال، و موسا سیسۆكۆی بریكاری كارەكانی عوسمان دیمبلی ئەنجامدراوە ، ئەبیدالیش دڵتەنگی خۆی و ئیدارەی تیپەكەی بەرامبەر عوسمان راگەیاندووە".

سەرچاوەكە دەڵێت : " بریاربوو لەكاتێكی دیاریكراو عوسمان لەبەردەم پزیشك ئامادەبێت ، بۆ ئەوەی پشكنینی پزیشكی بۆ ئەنجامبدرێت ، بەڵام یاریزانەكە لەكاتی خۆی نەهاتووە و رۆژی دواتر گەیشتووە".

ماركا نوسیویەتی : " ئەبیدال گلەیی لەعوسمان هەبووە و بە موسا سیسۆكۆی راگەیاندووە لەكردەوەكانی یاریزانەكە نیگەرانن و بەهیوان چارەسەری خۆی بكات".