ڤاران هۆكاری كارەساتی وەرزی رابردووی ریال مەدریدی ئاشكراكرد

17/09/2019 - 09:52 بڵاوکراوەتەوە لە وەرزش/جیهانی

 

رافائێل ڤارانی فەرەنسی و ئەستێرەی هێڵی بەرگری یانەی ریال مەدرید هۆكاری كارەسات و دەستبەتاڵی تیپەكەی لەوەرزی رابردوو ئاشكرا دەكات".

ڤاران لە لێدوانێكیدا كە ماڵپەری بێرنابیۆ بڵاوی كردۆتەوە دەڵێت : " پێم وابێت وەرزی رابردوو هیچ چارەسەرییەك بۆ ئێمە نەبوو ، زۆر ئەستەمە بتوانیت بۆ ماوەیەكی زۆر لەسەر یەك ئاست بمێنێتەوە".

وتیشی : " پاڵەپەستۆی یارییەكان بۆ ماوەی چەند وەرزێكی و بردنەوەی سێ چامپیۆنس لیگ لەسەر یەكتر ئەركی ئێمەی زیاتر قورس كرد ، هەستمان بە ماندووبوونێكی زۆر كرد ، بۆیە پێم وایە ئەم وەرزە بەباشترین شێوە ئامادەین بۆ بردنەوەی نازناوەكان".