راهێنەری فەرەنسا هەواڵە خۆشەكەی راگەیاند

08/10/2019 - 08:44 بڵاوکراوەتەوە لە وەرزش/جیهانی

 

دیدیە دیشامپی فەڕەنسی ڕاهێنەری هەڵبژاردەی فەرەنسا بەر لەیاری بەرامبەر بە ئایسلەندا لە پاڵاوتنەكانی یۆرۆی 2020 یاریزانێكی گرنگی بۆ گەڕایەوە.

رۆژنامەی لیكیپی فەرەنسی ئاشكرای كردووە كیلیان مبابێی هێرشبەری پاریس سان جێرمان و لۆكاس هێرناندیزی یاریزانی بەرگری بایرن میونخ پشكنینی تیشكیان بۆ ئەنجامدراوە دەركەوتوە تەندروستیان جێگیرە دەتوانن بەشداری لە یارییەكە بكەن.

بۆیە ئەم دوو یاریزانە لە كامپی مەشقی فەرەنسا بەردەوام دەبن و بەشداری لەهەردوو یاری بەرامبەر ئایسلەندا لە رۆژی هەینی و پاش چوار رۆژی تریش بەرامبەر توركیا یاری دەكەن.

هەریەك لە فەرەنسا و توركیا هەریەكەیان خاوەنی 15 خاڵن پلەی یەكەمی كۆمەڵەی هەشتەمیان گرتوە لەدوای ئەوانیش ئایسلەندا دێت بە 12 خاڵ.