بایرن میونخ گواردیۆلا دەگەرێنێتەوە

17/11/2019 - 14:01 بڵاوکراوەتەوە لە وەرزش/جیهانی

 

هیربیرت هاینەری سەرۆكی یانەی بایرن میونخ باس لە ئەگەری گەڕانەوەی پیپ گواردیۆلای ڕاهێنەری پێشووی یانەكەیان دەكات بۆ مەشقدانەوەی تیپەكەیان لە كۆتایی ئەم وەرزە.

هانز فلیك بەشێوەیەكی كاتی مەشقی بایرن میونخی لە ئەستۆ گرتوە تا كۆتایی ساڵی 2019، پاش ئەوەی نیكۆ كۆڤاچی كرواتی لە مەشقی تیپەكە لەم مانگە دوور خرایەوە.

لەدوای ئەنجامدانی هەڵبژاردنی سەرۆكایەتی یانەكە ، هاینەری سەرۆكی یانە لەبارەی گەرانەوەی گواردیۆلا بۆ مەشقدانەوەی تیپەكە بە رۆژنامەی بێڵدی راگەیاند :" پیپ راهێنەرێكی نایابە، بەڵام پەیوەستە بە گرێبەستێك لەگەڵ مانچستەرسیتی، دەبێت چاوەڕێ بكەین تا كۆبونەوەی دەستەی كارگێری ئەنجام دەدرێت،بەشێوەیەكی سەرەتایی ئێمە دەمانەوێت باشترین راهێنەر مەشقی تیپەكەمان بداتەوە ".