زانیاری لەبارەی دۆخی ئێستای عوسمان دیمبلی بزانە

پێنج شەممە, 12 تشرینی یەکەم 2017 08:46

 

رۆژنامەیەكی ئیسپانی باس لە دۆخی ئێستای عوسمان دیمبلی فەرەنسی و ئەستێرەی نوێی یانەی بەرشلۆنە دەكات كە ئێستا پێكانی هەیە و لەیاریگاكان دووركەوتۆتەوە".

رۆژنامەی موندو دیپۆرتیفۆی ئیسپانی قسەی لەگەڵ پزیشكی دیمبلی كردووە ، ئەو پزیشكەش دەڵێت : " بارودۆخی عوسمان لەدۆخێكی زۆر باشدایە و لەقۆناغی چارەسەری بەردەوامە".

دەشڵێت : " من پەیوەندیم لەگەڵ پزیشكی تایبەتی دیمبلی زۆر باشە و هەموو هەفتەیەك راپۆرتێكم پێدەگات لەبارەی دۆخی یاریزانەكە ".

لەبارەی كاتی گەرانەوەی عوسمان بۆ یاریگاكان ، پزیشكی پسپۆر وتی : " زووە بۆ بریاردان لەبارەی گەرانەوەی عوسمان ، چونكە لایەنی كەم پێویستی بە (2) مانگ و نیو زیاترە تا بگەرێتەوە یاریگاكان".


 

رێكان عزیز