بریكاری كارەكانی دی برۆین راستییەكان لەبارەی پەیوەندی كردنیان بە ریال و بارسا ئاشكرا دەكات

سێ شەممە, 13 شوبات 2018 08:16



بریكاری كارەكانی كیڤن دی برۆینی بەلجیكی و ئەستێرەی یانەی مانچستەر سیتی راستییەكان لەبارەی نزیكبوونەوەیان لە ریال و بارسا ئاشكرا دەكات".

پاتریك دی كوستەر بریكاری كارەكانی دی برۆین لە لێدوانێكیدا كە رۆژنامەی موندو دیپۆرتیفۆی ئیسپانی بڵاوی كردۆتەوە دەڵێت : " بەڵی نزیكبوونەوەیەك هەیە لەنێوان ئێمە و یانەكانی دیكەی ئەوروپا".

دەشڵێت : " كەس نازانێت لە تۆپی پێی چی روودەدات ، ئێستا دی برۆین تا ساڵی (2023) پابەندە بە بۆندەكەی لەگەڵ سیتی بەڵام نازانرێت پێش ئەو وادەیە و دوای ئەو وادەیە چی روودەدات".

جێی باسە هەردوو یانەی ریال مەدرید و بەرشلۆنە بە گەرمییەوە لەسەر هێڵن بۆ گواستنەوەی دی برۆینی تەمەن (26) ساڵان كە ئێستا یەكێك لە باشترین ئاستەكان لەگەڵ مان سیتی پێشكەش دەكات".


 

رێكان عزیز