باشترین پێكهاتەی خولی ئینگلیزی ئاشكراكرا

دوو شەممە, 23 نیسان 2018 07:38

 

ڕابیتەی یاریزانەكانی ئینگلتەرا لە ئاهەنگێك باشترین پێكهاتەی بۆ وەرزی 2017-2018ی خولی نایابی ئینگلتەرا دیاریكرد كە یانەی مانچستەرسیتی بووە پاڵەوان.

لە پێكهاتەكەش پشكی شێر بەر یانەی مانچستەرسیتی كەوت كە پێنج یاریزانی تیادا بەشدارە، پلەی دووەمش بووە بەشی یانەی تۆتنهام بە سێ یاریزان ، هەریەك لە مانچستەر یۆنایتد و چێڵسی و لیڤەرپولیش هەریەكەیان بە یاریزانێك بەشدارن پێكهاتەكەش بەم شێوەیە دەبێت:.

دافید دی خیا لە مانچستەریۆنایتد بە گۆڵچی.

لە هێڵی بەرگری ماركۆس ئەلۆنسۆ لە چێڵسی ، یان فیرتۆنخن لە تۆتنهام و ئۆتامێندی و كایل والكر لە مانچستەرسیتی.

لە هێڵی ناوەڕاست، كریستیان ئیركسن لە تۆتنهام و كیڤن دی بروین و دافید سیلڤا لە مانچستەرسیتی.

لە هێڵی هێرشبردن سێرجیۆ ئەگوێرۆ لە مانچستەرسیتی و هاری كین لە تۆتنهام و موحەممەد سەڵاح لە لیڤەرپول.


 

رێكان عزیز