ئەمشەو زێدان ئەم هیوایە دەخوازێت

چوار شەممە, 25 نیسان 2018 07:43

 

زێدانی راهێنەری ریال مەدرید ئامادەیی تیپەكەی بۆ یاری بەرامبەر بایرن میونخ لە چوونی پێشكۆتایی یانە پاڵەوانەكانی ئەوروپا بەشێوەیەكی باش دووپاتكردەوە،رایگەیاند تیپەكەم حەز بە یارییە گەورەكان دەكات و هیوای خواست ئەمشەو رۆناڵدۆ لە ئاستی خۆی بێت.

زێدان لە لێدوانێكیدا وتی : ئێمە بەشێوەیەكی باش ئامادەین لە پێناو پێشكەش كردنی یارییەكی گەورە،یاریزانەكان حەز بەم جۆرە یارییانە دەكەن،ریزی زۆر لە هاینكس دەگرم بەهۆی ئەوەی لە مەدرید و میونخ ئەنجامیداوە، یارییەكی جوان بەرامبەریان پێشكەش دەكەین حەز بەم جۆرە یارییە دەكەین،هیچ تیپێك پاڵێوراو نیە، ئێمە لە پێشكۆتاییداین، ئەم یارییە جیاوازە لە ساڵی رابردوو، ئارەزووی یارییەكی نوێ دەكەین دەزانین بەرامبەر بایرن توشی كێشە دەبینەوە".

وتیشی : " ریال مەدرید بەردەوام لە یانە پاڵەوانەكان لە ئاستێكی باشدایە، ئێمە دەمانەوێت بەرامبەر تیپە گەورەكان یاری بكەین، بەرگری لە هەموو یاریزانەكانی ریال مەدرید دەكەم تاكۆتایی، هەموو رۆژێك ئامۆژگاری بن زیما و ئەوانی تر دەكەم و پاڵپشتیان دەكەم ، رامۆس سەركردەی تیپەكەمانە زۆر گرنگە بۆ ئێمە كاتێك ئامادە دەبێت بۆ ئێمە شتێكی نایابە،ئێمە نرخ و كێشی رۆناڵدۆ دەزانین هیوادارین ئەمشەو ئاستێكی بەرز پێشكەش بكات ، پێشكەشكردنی یارییەكی باش لەمشەو گرنگترە لە بیر كردنەوە لە بردنەوەی نازناوەكە، بیر لەیاری یۆڤنتۆس ناكەینەوە ئەوە بەشێك بووە لە رابردوو بیر لە یارییەكانی داهاتوو دەكەینەوە".


 

رێكان عزیز