بایرن میونخ ، زێدانی رازی كرد

شەممە, 17 تشرینی دووەم 2018 06:59

 

یانەی بایرن میونخی ئەڵمانی لە هەوڵەكانی بەردەوامە بۆ رازی كردنی زێنەدین زێدانی فەرەنسی بۆ ئەوەی ئەركی مەشقدانەوەی تیپەكە لە شوێنی نیكۆ كۆڤاچی كرواتی لە ئەستۆ بگرێت".

بایرن میونخ لە ئێستادا ئەنجامەكانی زۆر خراپن و لە خولی ئەڵمانیا پلەی پێنجەمی ریزبەندی گرتوەو بە جیاوازی حەفت خاڵ لەدوای دۆرتمۆندی خاوەن پلەی یەكەم دوورە، بۆیە كار بۆ ئەوە دەكات گۆرانكاری لەدەستەی راهێنەران ئەنجام بدات".

لە ئێستادا زێدانی راهێنەری پێشووی ریال مەدرید بێ كارەو لەدوای دەست لەكار كێشانەوەی لە مەشقدانەوەی ریال مەدرید ئەركی هیچ تیپێكی لە ئەستۆدانیە، بایرن میونخیش هەوڵ دەدات رازی بكات بۆ ئەوەی مەشقی تیپەكەیان بداتەوە ئەمەش لەكاتێكدایە زێدان رایگەیاندووە نزیكە بۆ كاری راهێنەراتی بگەڕێتەوە یاریگاكان".