ئەمشەو ئینتەرمیلان بە چ دۆخێك دەگاتە قۆناغی دووەمی چامپیۆنس لیگ

سێ شەممە, 11 کانونی یەکەم 2018 06:58

 

لە كۆمەڵەی دووەمی یانە پاڵەوانەكانی ئەوروپا یانەی ئەنتەرمیلانی ئیتاڵی لە جۆزیپی میاتزا میوانداری یانەی ئایندهۆڤنی هۆڵەندی دەكات، ئەنتەرمیلان پاش دۆرانی لە جەولەی رابردووی خولی ئیتاڵیا لەیاری لوتكە بە یۆڤنتۆس ئێستای هیوای وایە لەم یارییەدا بردنەوە تۆمار بكات و چاویشی لە دۆرانی تۆتنهامە یان بەرامبەر بونیەتی بۆ ئەوەی لە قۆناغی داهاتوو خۆی ببینێتەوە".
بۆ ئەم یارییە ئەنتەرمیلان هیوای وایە بتوانێت بەشداری بە رادگا ناینگۆلان بكات كە ماوەیەكە بەهۆی پێكانەوە بەشداری لە یارییەكان نەكردووە ئەم یاریزانە یاریزانێكی كاریگەرە لە پێكهاتەی تیپەكە".
هەرچی یانەی ئایندهۆڤنی هۆڵەندیە هیچ چانسێكی سەركەوتنی بۆ قۆناغی دووەم یاخود خولی ئەوروپی نەماوە، تەنها لە پێناو بەدەستهێنانی قازانجی ماددی ئەم یارییە ئەنجام دەدات و هەوڵیش دەدات ببێتە بەربەست لەبەردەم یانەی ئەنتەرمیلان بۆ گەیشتن بە قۆناغی داهاتوو".