ئەمرۆ بایرن میونخ یاری هەیە ، كاتەكەی بزانە

15/12/2018 - 08:51 بڵاوکراوەتەوە لە وەرزش/جیهانی

 

لە یارییەكانی جەولەی 15می خولی یانەكانی ئەڵمانیا یانەی بایرن میونخ لە دەرەوەی یاریگای خۆی بەرامبەر بە یانەی هانۆڤەر یاری دەكات".

 

یارییەكە كاتژمێر 5:30 ئێوارە بەڕێوە دەچێت، یانەی بایرن میونخ خاوەنی 27 خاڵەو پلەی سێیەمی ریزبەندی گرتوە، ئەم یانەیە لە جەولەی رابردوو لە دێربی باڤاریا لە نۆرەنبێرگی بردەوە، لە جەولەی رابردووی یانە پاڵەوانەكانیش لە یارییەكی دراماتیكی لەگەڵ ئەیاكس ئەمستردام بە سێ گۆڵ بۆ هەرلایەكیان بەرامبەر بوون، بایرن میونخ دوای ئەوەی بوە یەكەمی كۆمەڵەكەی لە یانە پاڵەوانەكان ئێستا زیاتر چاوی لەسەر باشتركردنی ئەنجامەكانیەتی لەخولی ناوەخۆ و دەیەوێت جارێكی تر بردنەوە تۆمار بكات ".


هەرچی یانەی هانۆڤەرە پلەی 17می ریزبەندی گرتوەو خاوەنی 10 خاڵە ، ئەم یانەیە لە جەولەی رابردوو لەگەڵ ماینز بەرامبەر بووە، هانۆڤەر لە ناوچەی دابەزینە بۆ ریزی یانە پلە دووەكانی ئەڵمانیا بۆیە هەوڵ دەدات ئەنجامێكی باش بەرامبەر بە بایرن میونخ تۆمار بكات خۆی لەو ناوچەیە رزگار بكات".