سێ هۆكار رۆیشتنی ناڤاس لە ریال مەدرید دوا دەخات

15/12/2018 - 09:19 بڵاوکراوەتەوە لە وەرزش/جیهانی

 

رۆژنامەیەكی ئیسپانی بڵاوی كردەوە ، سێ هۆكار هەن رۆیشتنی كایلۆر ناڤاسی كۆستەریكی لەریزەكانی ریال مەدرید دوا دەخەن".

رۆژنامەی ماركا دەڵێت : " مانگی شوباتی داهاتوو ناڤاس جارێكی دیكە دەبێتەوە باوك ، بۆ ئەمەش نایەوێت لە كاتێكی هەستیار شوێنی خۆی و خانەوادەكەی بۆ وڵاتێكی دیكە بگوازێتەوە".

رۆژنامەكە لەبارەی هۆكاری دووەم دەڵێت : " یانەیەكی گەورە لەسەر هێڵ نییە بۆ ئەوەی مووچەیەك بداتە ناڤاس هاوشێوەی مووچەكەی ئێستای كە لە ریال مەدرید وەریدەگرێت و دەگاتە (5) ملیۆن یۆرۆ".

دواین هۆكاریش : " حەزی ریال مەدرید بۆ بەردەوامبوونی ناڤاس لەگەڵ یانەكە چونكە پێیان وایە كۆرتوا لە تاقیكردنەوەكەی سەركەوتوو نەبووە و نەیتوانیوە شوێنی خۆی لە پێكهاتەی سەرەكی جێگیر بكات".


 

رێكان عزیز