ریال مەدرید پلەی سێیەمی بەدەستهێنایەوە

یەک شەممە, 16 کانونی یەکەم 2018 06:53

 

یانەی ریال مەدرید بردنەوەی سێیەمی لەسەریەكی لەخولی یانەكانی ئیسپانیا بەدەستهێناو بەشێوەیەكی كاتی سەركەوت بۆ پلەی سێیەمی ریزبەندی خولەكە پاش ئەوەی بە زەحمەت بە گۆڵێكی بێ بەرامبەر لە یانەی ڕایۆڤالیكانۆی بردەوە".

هەر لەسەرەتاوە لەخولەكی 13 كەریم بن زیما گۆڵی بردنەوەی بۆ ریال مەدرید تۆمار كرد، ئەم گۆڵەش بەس بوو بۆ ئەوەی یانەی شاهانە بەر لە گەشت كردنی بۆ شاری ئەبوزەبی ئیماراتی بۆ بەشداریكردن لە جامی جیهانی یانەكان بەسەركەوتن كۆتایی بە یارییەكانی بهێنێت و بە دڵخۆشی بەشداری لە جامەكە بكات، لەدوای ئەم گۆڵەش هەردوو یانە چەند دەرفەتێكی گۆڵكردنیان لەدەستداو سەركەوتوو نەبوون لە تۆمار كردنی گۆڵی تر، بەم بردنەوەیەش ریال مەدرید بووە خاوەنی 29 خاڵ پلەی سێیەمی ریزبەندی بەشێوەیەكی كاتی گرتوە".