بەهۆی ئەمەوە ، ریال مەدرید لە سۆلاری توورەیە

سێ شەممە, 18 کانونی یەکەم 2018 06:36

 

رۆژنامەنوسێكی ئیسپانی بڵاوی كردەوە ، ئیدارەی یانەی ریال مەدرید لە سانتیاگۆ سۆلاری راهێنەری تیپەكەی توورەیە".

ئیدواردۆ ئیندا رۆژنامەنوسی ئیسپانی لەمیانی دیمانەیەكی لەگەڵ بەرنامەی ئێلچیرینگیتۆ وتی : " بەهۆی ئەنجامی دواین یاری چامپیۆنس لیگ بەرامبەر یانەی سیسكا مۆسكۆ ، ئیدارەی ریال مەدرید رخنەی خۆی ئاراستەی راهێنەرەكە كردووە".

رۆژنامەنوسەكە دەڵێت : " سۆلاری هۆكاربووە بۆ ئەوەی ریال مەدرید بڕی (2.7) ملیۆن یۆرۆ لەدەست بدات ، چونكە بۆ هەر بردنەوەیەك یەكێتی تۆپی پێی ئەوروپا بڕی (2.7) ملیۆن یۆرۆ دەداتە یانەی براوە ، (900) هەزار یۆرۆش بۆ یەكسانبوون ، لەوكاتەی ریال مەدرید بەهۆی دۆراندنەكە تەنها (500) هەزار یۆرۆی وەرگرتووە".


 

رێكان عزیز