سۆلاری بەهۆی ئەمەوە یاریزانەكانی خۆی ئاگادار دەكاتەوە

17/02/2019 - 09:14 بڵاوکراوەتەوە لە وەرزش/جیهانی

 

سانتیاگۆ سۆلاری راهێنەری یانەی ریال مەدرید هۆشداری دەداتە یاریزانانی تیپەكەی ، كاتێك ئەمرۆ میوانداری جیرۆنا دەكەن.

سۆلاری لە لێدوانێكیدا وتی :" دەمانەوێت بردنەوە تۆمار بكەین وەك تەواوی یارییەكانی تر بەدوای بردنەوە دەگەرێین ، پێویستیمان بە سێ خاڵ هەیە".

لەبارەی یانەی جیرۆنا وتی : " تیپێكی زۆر مەترسیدارە، شێوازێكی تایبەت پەیڕەو دەكەن، بەشێوەیەكی باش پلانەكانیان جێ بەجێ دەكەن، پێویستە خۆمان لە كێشەكانی بەردەم ئەم یانەیە بەدوور بگرین، ئێمە بۆ بردنەوە یاری دەكەین، بیر لە هیچ ئەنجامێكی تر ناكەینەوە".

سۆلاری سەبارەت بە یارییەكانی داهاتوو وتی : " ئێمە تەنها بیر لەیاری جیرۆنا دەكەینەوە ، بۆیە لەكاتی خۆی لەمبارەیەوە قسە دەكەین".