شارەزایەکێ لەشکەری دیارکر کو دڤێت ھێزێن ھەڤپەیمان بۆ شەرێ ناف سەنتەرێ مووسل پتر فرۆکان ھەلیکوپر بکاربینن، چونکە ئەو بۆ شەرێ ناف باژێری تو دشێی بکاربینی، چەند شەر نێزیکی سەنتەر بچیتە ناف باژێری بۆ لەشکەری دێ ب زەحمەتر کەڤیت، پێشبینی دکەم پتر رۆل بۆ ھەلیکوپترا بیت و ئەگەر ھەڤپەیمانان گەلەک ھەلیکوپتر بەرھەف کربن دشێن شەری زووتر بدووماھی بینن، عیراقێ ھەنە لێ تێرا ڤی شەری ناکەن.

عەمید چیایی حەسەن گۆت: حەشەدا شەعبی بخوە محوەرێ تەلەعفەر ھەلبژارت ب وێ مەرەمێ کو چەند مرۆڤێن مەزھەب شیعە ل وێ قەزایێ دژین، ئەو ب ئەرکێ خوە دبینن ھاریکاریا ئەڤان مرۆڤێن مەزھەب شیعە بکەن، لدووڤ پلانا ھاتیە دارێتن کو ژ رۆژئاڤا و دناڤبەرا چاریانا (تەلەعفەر بۆ مووسل و رەبیعە) چاریانا (گەیارە و حەزەر بیجێ بەغدا) یێ ڤەکری بوو، ژ رۆژا ئێکێ یا دەسپێکرنا شەرێ ئازادکرنا مووسل و ھاتبوو دەست نیشانکرن وەک لەشکەری بێژنێ (منگقە قتل) کو دوژمن بەر ب وی جھی بیت و کوم بیت و ب رێکا فرۆکان و چەکێ دیتر ب کوژی و دوژمن ژناڤ وەلاتیێن مووسل و خەلکێ سڤیل دەرکەڤیت، لێ ھێشتا شەرێ مووسل باش خورت نەبووی، حەشەدا شەعبی ئەڤ رێیە ل داعش گرت و ئارمانجا وان ئەوە کو دەڤەر بھێتەگرتن یان زووتر بگەھنە تەلەعفەر و ئەڤە بۆ زانینا وان ڤەدگەریت، دبینم حەشەد شەعبی دێ پتر توند و تیژی پەیدا بیت و دێ پتر شەر ب زحمەت کەفیت ب ھاتنا حەشەد شەعبی.

شارەزایێ لەشکەری، چیایی گۆت: بۆ دەسپێکرنا ھەر شەرەکی تایبەت ل باژێرەکێ مەزنێ وەک مووسل کو ئەم ب زمانێ لەشکەری دبێژینێ(خالا تەماس) کا دێ چەوا دچرکێن شەری دا ل گەل دوژمنێ خوە ئێک دو ببین، دەمێ پلان ھاتیە دانان ھاتیە دیارکرن کو دێ شەرێ ئازادکرنا مووسل ب چەند قوناغا بیت ھەتا ئەڤرۆ قوناغێن شەرێ ئازادکرنێ ئەو بووینە موسل بھێتە دورپێچکرن، ژنوو قوناغا ناف مووسل دەست پێکریە و دا بزانین دوژمنێ تە چ بۆ تە بەرھەف کریە، ھێرشا (کوکجەلی) دێ ھەژمێرین ژنوو بەر ب سەنتەرێ باژێرڤانیا مووسل، شەرێن رۆژێن بوری ھاتینەکرن ھەموو ئەو شەر بووینە کو ئەف ھێزێن پێشەرویێ دکەن بۆ ناف مووسل بھێنە گیروکرن و رێگر بۆ پێشرەویا ھێزێن پێشمەرگەی و ھێزێن عیراقێ بھێتە دروستکرن و ئارمانجا داعش ھەموو رۆژێن بوری ئەو بوویە ئەف ھێزە نێزیکی سەنتەرێ مووسل نەبن، ھێرشێن تاخێ کەرامە دەرزیکن ب دلێ مووسل دکەڤن، جھێ نوکە ھێزێن عیراقێ چووینێ و ل دووڤ دیتنا ھەموو شارەزایێن لەشکەری ئەم دبێژین دێ شەر پتر رەخێ راستێ ھێتەکرن، چونکە پتر عەرەبێن سونە تێدانە و دیسا پتر رێکا ڤەکریە بەر ب سوریێ و بیابانێ بچن و دێ شەر خورت بیت، دێ یا شاش بیت ئەگەر ئەف میحوەرە بەردەوام پێشڤەچوونێ دابیت و محورێن دی پێشڤەچوون نەیا بلەز بیت، پێدڤی یە محوەرێ تلکێفێ بەر ب پێشڤەچوونێ بچیت، محوەرێ گوێر سەلامیێ بۆ نەمرود پێشڤەچوونێ بکەت، د گەل محوەرێ گەیارە بۆ حەمام عەلیل دا بشێن ھێزێن حوکمەتا عیراقێ بەلانسا جوگرافی ل ناف مووسل چێ کەت، چونکە شەرێ کولانا زەحمەتە و ئەگەر محوەرەکی گەلەک چوون داعش شێت ب ساناھی وێ ھێزێ دورپێچ بکەت و دێ زیانێن مەزن ھەبن.

عەمید چیایی گۆتژی: عیراقێ ئەو ھێز ھەیە کولانان شەری بکەت و پولیسێن فیدرال ھاتینە راھێنانکرن و ھێزا دژی تیرورێ یا خورتە بۆ ناف کولانان و نێزیکی (١٣) سالانە لەشکەرێ عیراقێ شەری دکەت دژی گروپێن تیرۆرست، لەشکەری شیانێن شەرێ کولانان یێن ھەین، دبینم لەشکەرێ عیراقێ نەیێ بلەزە بۆ ئازادکرنا مووسل و ئەڤە دا زەرە کێم ھەبن، نە ب وێ مەرەمێ کو زی نەھێتە ئازادکرن، بەلکو دا گیانێ وی خەلکی یێ پاراستی بیت ئەوێن ناف مووسل.
ل دۆر چێبوونا سەرھلدانا و رابوونا خەلکێ مووسل و تایبەت ل گەل نێزیکبوونا لەشکەرێ عیراقێ، عەمید چیای گۆت: ل دووڤ مێژوویا ڤی باژێری سەرھلدان چو جارا چێنەبووینە، سالا ١٩٥٩ ێ بزاڤا شەوافی چێبوو و خەلک دگەل رابوون و دژی حوکمەتێ، سالا ١٩٩١ سەرھلدان سەرانسەری عیراقێ چێبوو و ھەموو پارێزگەھا و ھەتا چەند تاخێن بەغدا ژی لێ مووسل یا بێ دەنگ بوو، ٢٠٠٣ کەتنا سەدام حسێن دیسا مووسل چ چێنەبوو وەک خو ما، ٢٠١٤ حوکمەتا ناڤەندی شکەست لەشکەری ھندەک خەلکێ ناف مووسل ھاریکاری کر و کەسێ پشتەڤانی ژ حوکمەتێ نەکر، پێش بینیا چ سەرھلدانا ناکەم، بتنێ ھەکە وەلاتی ب کت، یان چەند گرۆپێن بچووک چێ بن، ئەو ژی نە سەرھلدانە، بەلکو گرۆپ و شانێن نفستی نەیێن ھەرێمێ و بەغدا و ئەگەر ئەو بزاڤەکێ بکەن ئەو نە سەرھلدانە بەلکو ئەڤە ئەرکێ وانە چونکە ئەو بۆ وێ مەرەمێ ل وێرێ نە.

ل دووڤ پلانا ھاتیە دانان و خالێن ھاتینە دەست نیشانکرن پێشمەرگە گەھشتە ئەوان خالان، بتنێ ھندەک جە ماینە یێ پاقژ دکەت ژ بەر ھەبوونا بومبا و ئەڤە دا کێمترین زەرەر ھەبن.

شارەزایێ لەشکەری ئەو ژی گۆت: ھەکە مووسل ھاتە ئازادکرن و لەشکەرێ عیراقێ دەرکەڤیت بۆ ماوەکێ کورت، چ تشتێ ب زحمەت روونادەت و بومب و خوە کوژ دێ دکێم بن، ئەو کەسێن مووسل بۆ گرنگ دێ تەماشەی کاودانێن سیاسی کەن و ئەگەر ھات خوە دیت دناڤا دەستھەلاتا مووسل دا؟، دێ ھێدی ھێدی ھێتە چارەسەکرن.