هۆكارو دیارترین تێكچونەكانی ئۆتۆمبێلی گێڕ ئۆتۆماتیك بزانە
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هۆكارو دیارترین تێكچونەكانی ئۆتۆمبێلی گێڕ ئۆتۆماتیك بزانە

 

لەكاركەوتنی گێڕی یٔۆتۆماتیكی یٔۆتۆمبێل بەكەمی ڕوودەدات، بەڵام كاتێك گێڕی یٔۆتۆماتیك پەكی دەكەوێت‌و "عەتەڵ"ی تێدا دروستدەبێت، گرفت بۆ شۆفێركردن‌و جوڵەی یٔۆتۆمبێلەكە دروستدەكات‌و لەهەندێك حاڵەتیشدا كە یٔۆتۆمبێلەكە جۆری "دەبڵ گێڕ" نییە، پەكی یٔۆتۆمبێلەكە دەخات.
سەرەتا هۆكارەكانی لەكاركەوتن‌و خۆاپبوونی گێڕ یٔۆتۆماتیك بریتین لە:
*خراپ بەكارهێنانی یٔۆتۆمبێل.
*پشتگوێ خستنی چاكسازیی "صیانە"ی بەردەوام بۆ یٔۆتۆمبێل.
*خراپبوونی گێڕی یٔۆتۆماتیك لەهەندێك یٔۆتۆمبێلدا بەتێپەڕبوونی كات.
لێرەشدا دیارترین لەكاركەوتنەكانی گێڕ یٔۆتۆماتیك‌و هۆكارەكان‌و ڕێگەچارەكانی دەخەینەڕوو، كە بریتین لە:
1 - دواكەوتنی گۆڕینی گێڕ یاخود نەگۆڕینی:
لەم حاڵەتەدا وەڵامەدانەوەی گۆڕینی گێڕەكە دوادەكەوێت‌و لەهەندێك حاڵەتیشدا نایگۆڕێت، یٔەم پەككەوتنەش لەكاتی بەیانیان، یاخود لەدەستپێكی لێخوڕینی یٔۆتۆمبێلەكە بەدیدەكرێت، بەشێوەیەك گێڕ لەحاڵەتی(P)ەوە بۆ حاڵەتی (D) دەگۆڕێت، لایەنی كەم ماوەی دوو چركە دەخایەنێت، تاوەكو گێڕەكە وەڵامەدانەوەی بۆ گۆڕینی حاڵەتەكە دەبێت، لەهەندێك حاڵەتەدا گێڕەكە وەڵامدانەوە نابێت‌و نایگۆڕێت، هۆكاری یەكەمی یٔەم پەككەوتنەش خراپبوونی كلاجە‌و دەبێت بگۆڕدرێت، هۆكاری دووەمیش نیشتنی خڵتە‌و پیسیە لەبنی هایدرۆلیكی گێڕەكەدا یاخود كۆن بوون‌و ستۆك بوونی هایدرۆلیكی گێرەكە، بۆ چارەسەركردنیشی پێویستە هایدرۆلیكی گێڕ‌و فلتەرەكەی بگۆڕێت، یٔەگەر جۆری یٔۆتۆمبێلەكە فلتەری هایدرۆلیكی گێڕی هەبوو.
حاڵەتێكی دیكەی دواكەوتنی گۆڕینی گێڕ یٔۆتۆماتیك یان بەتەواوی نەگوڕینی هەیە، بەشێوەیەك جوڵە‌و گۆڕینی گێڕەكە جیاوازی دەبێت لەگەڵ خێرایی یٔۆتۆمبێلەكە، هۆكارەكەشی بۆ خراپبوونی بەشەكانی ناوەوەی گێڕەكەیە، پێویستە شۆفێر لەنزیكترین كاتدا سەردانی میكانیكی "فیتەر" بكات‌و دوای دەستنیشانكردنی پارچە خراپبووەكە بگۆڕدرێت.
2 - جێگیربوون لەسەر یەك خێرایی: لەم حاڵەتەدا یٔۆتۆمبێلەكە لەكاتی ڕۆیشتندا، بەشی (تپ ترۆنك) كە جوڵە لەگێڕەكەدا دەگوازێتەوە، وەڵامدانەوەی نابێت بۆ زیادبوونی خێرایی ڕۆیشتنی یٔۆتۆمبێلەكە، هۆكارەكەشی بۆ بەرزبوونەوەی پلەی گەرمای گێڕەكەوە دەبێت، بەهۆی سیستمی ساردەكەرەوە یاخود كەمبوونی بڕی هایدۆرلیك.
3 - لەرزینی یٔۆتۆمبێل لەكاتی ڕۆیشتن‌و جوڵەدا لەسەر ڕێگەوبان: لەم حاڵەتەدا شۆفێر بەشێوەیەكی نایٔاسایی هەست بەلەرزینی یٔۆتۆمبێلەكە دەكات لەكاتی شۆفێریكردندا، بەشێوەیەكی گشتیش هۆكاری یٔەم حاڵەتە دەگەڕێتەوە، بۆ خراپبوون‌و لەناوچوونی قوڵاغی گێڕ یاخود قوڵاغی بزوێنەر، لەهەردوو حاڵەتەدا دەبێت، قوڵاغی گێڕ یان قوڵاغی بزوێنەر بگۆڕدرێن.

 

 

 

 

 

یٔامادەكردنی: فویٔاد هەورامی

هه‌واڵی گرنگ