تیمساح لەسەر 2 پێ‌ رۆیشتووە !!
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

تیمساح لەسەر 2 پێ‌ رۆیشتووە !!

 

توێژینەوەیەكی نوێ لەسەر بنەمای بەبەردبوو ئاماژە دەدات تیمساحی بەر لەمێژوو لەتیمساحی ئەم سەردەمە لەسەر 2 پێ ڕۆشتوون جیاواز بووە.

توێژینەوەكە لە گۆڤاری ڕاپۆرتە زانستیەكاندا بڵاوكراوەتەوە دەڵێت، پێشتر تێگەیشتنێك هەبوو ئەو جێپێ بەردینانەی لە كۆریای باشوور دۆزرانەتەوە هی تیرۆسۆرە (ئەو دایناسۆرەی باڵی هەبووە) و لەسەر پێ ڕۆشتووە.

بەڵام شیكردنەوەی زیاتری جێ پێكان ئاماژە دەدات كە لەڕاستیدا دەگەڕێتەوە بۆ جۆرێك تیمساح لەسەر 2 پێ ڕۆشتوون.

ئەمەش یەكەم بەڵگەیە لەئێستادا كە گروپێك تیمساح هەبووە لەسەر 2 قاچ هاتوچۆی كردوە، ئەم گرووپە بەشێكن لەجۆرەكانی كە جیابوونەتەوەو لەناوچوون و تیمساح بەشێكە لەوان، توێژەرەوان ناوی ئەم گروپە نوێیەیان ناوە بە (باتراچۆپوسە دێرینەكان).

جێ ‌پێكان لەنێوان (18 – 24) سەنتیمەترە، ئەمەش نیشانەیە كە جەستەی ئەو گیانلەبەرانە نزیكەی 3 مەتر بووە، تەنها جێ پێی دواوە بەجێماوە، ئاماژەیە كەشێوەی ڕۆشتنی لەسەر 2 قاچ بووەو قورسایی خستۆتە سەر بن و لەپی پێی.

بۆماوە بەردینەكانی بەباشی ماونەتەوەو لەناوچەی (جینجوو) لەكۆریای باشور دۆزراونەتەوە دەگەڕێتەوە بۆ سەردەمی (كریتساسۆ) بەر لە (145 تا 105) ملیۆن ساڵ و بەسەردەمێكی كەشوهەوای گەرم و شێداری زەوی دادەنرێت، ئەم قۆناغەش بۆ دایناسۆرەكان درێژترین بووەو دوای ئەوە قۆناغی جۆراسی هاتووە كە نزیكەی (79) ملیۆن ساڵ لەمەوبەر بووە.

توێژینەوەیەكی جیاواز لە ساڵی (2015) ەوە كراوە ئاماژەی دابوو كە ئەگەر هەیە تیمساح لەسەر 2 پێ ڕۆشتبێ لەناوچەی باكوری ویلایەتی كارۆلینای باشوور لە ڕۆژهەڵاتی ئەمریكا بەر لە (230) ملیۆن ساڵ ژیاوە.

هه‌واڵی گرنگ