نیشانەكانی تووش بوون بە ریخۆڵە كوێرە بزانن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

نیشانەكانی تووش بوون بە ریخۆڵە كوێرە بزانن

 

 

پێكهاتەیەكی شێوە لولەییە، لایەكی داخراوە (كوێرە)، تیرەكەی لە باری ئاسایی نزیكەی (5) ملیمەترە، درێژیەكەی لە نێوان (4 – 25) سەنتیمەتر دەبێت و دەكەوێتەوە سەرەتای ڕیخۆڵە ئەستوورە.

فەرمانی ڕیخۆڵە كوێرە بەشداربوونە لە پرۆسەی ئامادەكردنی خانە بەرگرییەكانی لەش بەتایبەتی لە سەرەتای تەمەنی منداڵی و پڕە لە شانە لیمفاوییەكان.

گرنگترین ئەو نەخۆشیانەی تووشی ریخۆڵە كوێرە دەبن بریتین لە هەوكردنی ڕیخۆڵە كوێرە، هەندیك جار هەندێك جۆری شێرپەنجە، زیاتر تەمەنی گەنج دووچاری هەوكردن دێن، ڕێژەكە لە بەهاران زیاترە، منداڵان و بەساڵاچوان بە هەمان شێوە تووشی هەوكردنی ڕیخۆڵە كوێرە دەبن و مەترسیان زیاترە لە گەنجان، بەڵام ڕێژەی تووش بونیان كەمترە.

هۆكارەكان:

هۆكاری هەوكردنی ریخۆڵە كوێرە، گیرانی دەرچە كراوەكەیەتی لەگەڵ ڕیخۆڵە ئەستورە، بە بەردی دروست بوو لە پیسایی، یان گیران بە هۆی هەڵئاوسانی شانە لیمفاوییەكان بە تایبەت لە منداڵان، لە هەندێك حاڵەتی دەگمەن گیرانەكە بە هۆی كرمی ریخۆڵە یان بوونی گرێ.

نیشانەكانی ئیلتهابكردنی ریخۆڵە كوێرە :

هەركاتێك هەندێك لەو نیشانانەت هەست پێكرد، سەردانی نزیكترین نەخۆشخانەی فریاكەوتن بكە تاپزیشكێك پشكنیت بۆ دەكات، هیچ جۆرێك دەرمان وەرمەگرە بەتایبەتی ئازار شكێنەكان، چونكە دەبێتە هۆی بزركردنی نیشانەكانی ریخۆڵە كوێرەكە، بەداخەوە هەندێك جار مەترسی دروست دەكات لەسەر ژیانی نەخۆش.

نیشانەكانی :

1. ئازارێكی كەم لە ناوەراستی سك و پاشان ئازارەكە تووند دەبێت و دەچێتە بەشی خوارەوەی لای راستی سك.

2. هێڵنج ، چەند جارێك رشانەوەو نەمانی ئارەزووی خواردن. 

3. تایەكی كەم. 

4. هەندێك جار سكچوون یان ئازار لە كاتی میز كردن هەیە لەگەڵ هەوكردنی ریخۆڵە كوێرە.

چارەسەری بنبڕی هەوكردنی ریخۆڵە كوێرە، هەڵگرتنە لە ڕێگەی نەشتەرگەری، بە ڕێگە كلاسیكیەكە بە برین، یاخود لە ڕێگەی نازوور، بێ گومان ڕێگەی نازوور لە زۆر ڕووەوە باشترو پەسەندترە لە ڕێگەی كلاسیكی.

د. شێركۆ عەباس نادر – پسپۆڕی نەشتەرگەری

هه‌واڵی گرنگ