بە خێرایی قەبزی چارەسەر بكەن، ڕێگەكانی بزانن
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

بە خێرایی قەبزی چارەسەر بكەن، ڕێگەكانی بزانن

 

قەبزبوون كێشەیەكی تەندروستی باوەو هەندێك جار تاقەت ‌پڕووكێن و زۆرتر بەهۆی كەمی ماددەی (فایبەر) لە لەشدا دێتە ئاراوە، لەخوارەوە ئاماژە بەچەند ڕێگەیەكی چارەسەری ئەم كێشەیە دەكەین. 

1. ئاو زۆر بخۆنەوە : 

پیاوان دەبێ هەموو ڕۆژێك (3.7) لیترو ژنانیش دەبێ لانی ‌كەم (2.7) لیتر ئاو بخۆنەوە، بەهۆی ئەوەی هۆكاری سەرەكی قەبز بوون وشك بوونی پیساییە، كەواتە دەبێ بەڕادەی پێویست ئاو بخۆنەوە، ئاوی هەندێك لەمیوەكان بۆ نموونە هەرمێ و سێو دەتوانێ ئاوی لەش دابین بكات. 

2. ئەو خۆراكانە بخۆ كە (فایبەر) ی تێدایە : 

ئەم خۆراكانە كۆئەندامی هەرس بەهێز دەكاو دەبێتە هۆی ئەوەی ئاوێكی زیاتر لەناو پیسایی مرۆڤدا بمێنێتەوەو ئاسانتر دوور بخرێتەوە، سەوزەو میوەو تۆوی گوڵە بەڕۆژە باشترین سەرچاون بۆ (فایبەر). 

3. لە شیرەمەنییەكاندا تەنها ماست بخۆن : 

لەكاتی تووشبوون بەقەبزیدا دەگوترێ كە لەخواردنی شیرەمەنی خۆ بپارێزن، بەڵام ماست جیاوازە، ماست بریتیە لە (بیفیدۆباكتریۆم لانگۆم) و (بیفیدۆباكتریۆم ئینیمالیس) كە بەپێی توێژینەوەكان دەبنە هۆی ڕەوان بوونی كۆئەندامی هەرس و ئازارەكانی قەبز بوون كەم دەكاتەوە. 

4. هەڵووژەی وشك كراو بخۆن :

هەڵووژەی وشك كراو جگە لە (فایبەر) خاوەنی مادەیەكی ‌ترە بەناوی (سۆربۆتیل) كە دەبێتە هۆی لەناوچوونی قەبزی، گەر حەزتان لە تامی هەڵووژەی وشك نیە دەتوانن لەگەڵ ئاو بیخۆن.

 

هه‌واڵی گرنگ