چۆن دەزانی کۆرۆنات گرتووە؟ پسپۆڕێكی هه‌ناو وه‌ڵام ده‌داته‌وه
پسپۆڕێكی نه‌خۆشیه‌كانی هه‌ناو ڕایده‌گه‌ینێت،ئه‌و كه‌سانه‌ی كه توشی په‌تای كۆڕۆنا ده‌بن به‌هیچ شێوه‌یه‌ك توشی پژمین نه‌بوونه،پژمین نیشانه‌یه‌ك نیه له په‌تاكه.
د.عه‌لی به‌رزنجی پسپۆڕی نه‌خۆشیه‌كانی هه‌ناو و مامۆستا له بۆردی كوردستان له میانی به‌ژداریكردنی له به‌رنامه‌یه‌كی ته‌له‌فیزیۆنیدا نیشانه‌كانی توشبوون به په‌تای كۆڕۆنا ئاشكراده‌كات و ڕایده‌گه‌یه‌نێت،نه‌خۆشه‌كان سه‌ره‌تای توشبوونیان به ڤایرۆسه‌كه هه‌ست به ئازاری پشت و گیانیان ده‌كه‌ن وا تێده‌گه‌ن به‌هۆی سه‌رماو بای سپلێت نه‌خۆش كه‌وتون به‌ڵام له ڕاستیدا توشی په‌تای كۆڕۆنا بوون و دوای 4 ڕۆژ توشی تایه‌كی كه‌م دێن و له هه‌ندێك حاله‌ت تاكه‌ی زیاد ده‌بێت و به‌یانیان یان ئیواران ئه‌یگرێ و له‌گه‌ڵیشی عاره‌قێكی زۆر ده‌كات.
د.عه‌لی به‌رزنجی ئاما‌ژه به‌وه‌ش ده‌كات،نه‌خۆشانی كۆڕۆنا به‌هیچ شێوه‌یه‌ك توشی پژمین نابن و كۆكه و هه‌ناسه ته‌نگی له دوا قۆناغه‌كانی نه‌خۆشیه‌كه دێن دوای 10 ڕۆژ نه‌خۆش هه‌ست به هه‌ناسه ته‌نگی و كۆكه‌ی توند ده‌كات و ته‌ندروستی به‌ره‌و خراپی ده‌چێت.
