وەزارەتی كار و كاروباری كۆمەڵایەتی حكومەتی عێراق رایدەگەینێت داوایان لە وەزارەتی ناوخۆ كردووە هاتنی كرێكاری بیانی قەدەغە بكەن.
عادل روكابی ، وەزیری كار و كاروباری كۆمەڵایەتی حكومەتی عێراق رایگەیاند ، بە هەماهەنگی لەگەڵ وەزارەتی ناوخۆ ، گەیشتینە رێككەوتن بۆ قەدەغەكردنی هاتنی كرێكاری بیانی.
وتیشی : " تەنها ئەو كرێكارانە بۆیان هەیە بێنە نێو خاكی عێراق لە بەرێوەبەرایەتی ئیقامە رەزامەندی وەربگرن و بەپێی یاسای كار ژمارە (37)ـی ساڵی (2015) مۆڵەت وەربگرن".
ئەمەو وەزیری كار بەڵێنی داوە لەماوەی داهاتوو زۆرترین دەرفەتی كار بۆ گەنجانی عێراق برەخسێنێت و كەمترین كرێكاری بیانی لە وڵاتەكە كار بكەن.