كۆمەڵێك چەكداری داعش هەڵسان بە رفاندنی كارمەندێكی پۆلیسی گەرمیان كە لەسەر پرۆژەی ئاوی نێوان جەبارە و كفری لەسەر كاربووە.
سەرچاوەیەكی ئەمنی رایگەیاند ، ئەو كەسەی رفێندراوە كارمەندێكی پۆلیسی گەرمیانی سەر بە پارێزگای سلێمانییە و لەسەر رێگای نێوان كفری و جەبارە هێرشی كراوەتە سەر.
بەپێی قسەی ئەو سەرچاوەیەبێت ، پۆلیسەكە ناوی (كەریم فەتحوڵڵایە) و خەڵكی كفرییە ، لەكاتی جێبەجێكردنی ئەركەكەی لە پاسەوانی پرۆژەی ئاوی نێوان هەردوو قەزای كفری و جەبارە رفێندراوە.