كورديو
بهرپرسێ وهرگرتنا نموونهیێن پشكنینا كۆرۆنایێ ل ساخلهمیا دهۆكێ دیاركركو:” ل سێ زالگهه پشكنینێن كۆرۆنایێ دهۆكێ دهێنه كرن رێك ب هیچ شوفیرَهكێ ناهێته دان بێى پشكنینا كۆرۆنایێ بهێته دناڤ پارێزگهها دهۆكێ دا.
د. عهبدولا حسێن خهلهف، بهرپرسێ وهرگرتنا نموونهیێن پشكنینا كۆرۆنایێ ل ساخلهمیا دهۆكێ دیاركركو ههتا نها پتر ژ 13 هزار سامپلان ژ جهێن جۆدا دناڤ خهلكى دا ژ وان شوفێران هاتینه وهرگرتن یێن مووسل و ههولێر وههر جههكێ دى قهستا دهۆكێ بكهن نوكه ژى ههر شوفێرهكێ ترۆمبێلا بارههلگر ژ پارێزگهههكا دێ بهێته دهۆك رێك پێ ناهێته دان بێى پشكنینا كۆرۆنایێ بهێته ل زالگهه دهێته راوهستاندن ههتا ئهنجامێن پشكنینا وى دهردكهڤن، ههكه نێگهتیف بن ژ نوو رێك پێ دهێته دان بهرهڤ دهۆكێ بهێت و ههكه باش نهبن رێك پێ ناهێته دان بهێته دهۆكێ و گۆت: نها مه پێرابوونێن خوه تۆندتر لێكرینه بۆ هندێ نهخۆشیا كۆرۆنایێ بهێته سنۆرداركرن و نههێلین پتر بهربهلاڤ ببیت دناڤ دهۆكێ دا.
ئاشكهرا كركو ههر ژ ریێا بهدریكێ ههتا دگههیته قهزا سێمیلێ ل سنۆرێ دهۆكێ دا ههموو ئهو جهێن سهر جادا كار دكهن هاتینه پشكنینكرن، ههروهسا ل جهێن كهرهنتینان ژى پشكنینا كۆرۆنایێ بۆ ههموو وهلاتیان دهێته كرن و نها ل ناڤ نهخۆشخانهیان ژى مه دهست ب پشكنینێن كۆرۆنایێ كریه.
ئاماژه دا وى چهندێ ژى كو ل زالگهها بهدریكێ و كهلهكێ وحوسهینیێ ئهو ترۆمبێلین بارههلگر یێن كارێن بازرگانیێ دكهن دهمێ ژ پارێزگههێن عێراقى و ههرێما كوردستانێ بهرهڤ دهۆكێ دهێن ل وان زالگههان دهێنه راوهستاندن و پشكنینێن كۆرۆنایێ بۆ وان دهێنه كرن ههتا ئهنجامێن پشكنینێن كۆرۆنایێ دهركهڤن ژ نوكه رێك وان شوفێران دهێتهدان بهێنه ناڤ دهۆكێ دا و پشكنینێن وان بۆ دهمێ 24 دهمژمێران دمینن ههتا ئهنجام دیاربن.
د. عهبدولا حسێن خهلهف ، گۆت: تیمێن وهرگرتنا نموونهیێن پشكنینێن كۆرۆنایێ یێن هاتینه زێدهكرن و سامپلان بشێوهیهكێ ههرهمهكى وهردگرن نها ههر ژ زالگهها بهدرێكێ ههتا دگههیته قهزا سێمیلێ ههموو جهێن سهر جادهیان هاتینه پشكنینكرن بۆ پشتراستبوونێ ئهو خارنگهه و یستگههی وههموو جهێن كاركرنێ یێن سهر جادا سهرهكى دناڤبهرا مووسل و دهۆكێ دا كار دكهن پشكنینێن كۆرۆنایێ بۆ وان هاتینه ئهنجامدان.
ئهوژى ئاشكهرا كركو نها ل بهدریكێ و حوسهینێ مه كارێن خوه زێده كرینه بۆ وهرگرتنا نموونهیان هندهك رۆژان پتر ژ 100 سامپلان ژ شوفیر و خهلكى دهێنه وهرگرتن ههر ژ دهستپێكێ ههتا نوكه دۆرێن 13 هزار نموونهیان یێن هاتینه وهرگرتن بۆ پشكنینا كۆرۆنایێ ل سهرانسهرى پارێزگهها دهۆكێ.