كورديو-ئەکرەم گوللی- زاخۆ
سپێدهییا ئهڤرۆ مینهك ب سهربازهكێ سهر ب هێزا پاسهوانێن سنوری یا عێراقێ ڤه پهقی و بۆ نهخوشخانا دهوكێ هاته ڕهوانهكرن.
دلشێر عهبدلستار ڕێڤهبهرێ ناحیا باتیفا ل قهزا زاخۆ ب کوردیو ڕاگههاند " ئهڤرۆ بهری نیڤرۆ مینهك ب سهربازهكێ هێزێن پاسهوانێن سنوری ڤه پهقی و بۆ نهخوشخا تهنگاڤیا زاخۆ و پاشی بۆ نهخوشخانا تهنگاڤیا دهوك هاته هنارتن.
دلشێر عهبدولستاری گوتژی " ئهو مینه یا ڕژێما پێشترا عێراقێ بی و مینهك كهڤن بی ل دهما ڤهگوهاستنا كهل و پهلان ژ لایێ وی سهربازی ڤە، ب سهر مینهكێ دا چویه و پێڤه پهقیه.
ل گورهی زانیاریێن کوردیو هاتینه دان ژبهر گرانیا برینا وی سهربازی كو مین ب پیهكێ وی ڤە پەقیە ئهگەرێ ژێڤەکرنا پیێ وی ههیه ل سهر گوزهكا وی دا.
پێشتر و پشتی بوهردومانا توركیا بو دهڤهرێن سنوری ل زاخو هێزهكا پاسهوانێن سنوری سهر ب حكومهتا عێراقێ ل سنتورێن زاخو هاتیه بهلاڤكرن و چهند خالێن خوه ل هند دهڤهرێن بایتفا و دهركار حیگیركرینه.