كورديو-دھوک

رێڤەبەرێ ناحیا بامەرنێ ئاشکرا کر کو ل دەمەکێ نێزیک مەزنترین کارگەھا داگرتنا فێقی دێ ب کۆژمێ پێنج ملیۆن دۆلاران ژ لایێ کەرتێتایبەت ڤە ل ناحیا بامەرنێ یا سەر ب قەزا ئامێدیێ ڤە ل پارێزگەھا دھۆکێ ھێتە دانان و گۆت: "ھەموو خزمەتگۆزاری وەکو گەھاندنا ئاڤ وکارەبێ و چێکرنا جادان دێ ژ لایێ حکومەتا ھەرێما کوردستانێ ڤە بۆ ڤێ کارگەھێ ھێنە دابینکرن".

دداخويانيەکێ دا بو کوردیو حەمید زوبێر رێڤەبەرێ ناحیا بامەرنێ راگەھاند کو ٦٣ دونەمێن ئەردی بۆ دانانا کارگەھا داگرتنا فێقی ل ناحیابامەرنێ یا سەر ب قەزا ئامێدیێ ڤە ھاتینە تەرخانکرن، بەلێ کارگەە ب خوە دێ ل سەر رووبەرێ پێنج دونەمێن ئەردی ھێتە دانان و داروباردێ ل سەر رووبەرێ ٥٨ دونەمێن ماین ھێتە چاندن و گۆت: "ھەموو رێکارێن پێدڤی بۆ دانانا ڤێ کارگەھێ ژ لایێ جھێن پەیوەندیدار ڤە بدووماھی ھاتینە و رازەمەندی ل سەر دانانا وێ ھاتیەکرن و بۆ ڤێ مەرەمێ نوکە خودانێن کارگەھێ بۆ ئینانا ئامیرێن کارگەھێ چووینەوەلاتێ ھولەندا.

رێڤەبەرێ ناحیا بامەرنێ دیارکر کارگەھا داگرتنا فێقی دێ ب کۆژمێ پێنج ملیۆن دۆلاران ل ناحیا بامەرنێ یا سەر ب قەزا ئامێدیێ ڤە لپارێزگەھا دھۆکێ ھێتە دانان و دێ بەرھەمێ جۆتیارێن دەڤەرێ وەکو فێقی و باجان سۆرک و ھتد.... ژێ کریت سەرەرایی ڤێ چەندێ دێتۆڤەکێ تایبەت ژی بۆ چاندنا باجان سۆرکا و فێقی دەتە جۆتیاران بۆ وێ چەندێ بچینن داکو کارگەە پتر مفایی ژ بەرھەمێ وان ببینیتھەروەسا جۆتیار ژی پتر د مفادار بن و گۆت: "ئەڤ کارگەھە سەرەرایی کرینا فێقی ژ جۆتیاران دێ ھنگڤینێ دەڤەرێ ژی ژ ھەنگەڤانانکریت.

حەمید زوبێری ئاشکرا کر کر کو ئەڤ کارگەھە دێ مەزنترین کارگەھا داگرتنا فێقی بیت ل سەرانسەر ھەرێما کوردستانێ و عیراقێ و ھەکەکاودان د گۆنجایی بن ھەموو خزمەتگۆزاری وەکو گەھاندنا ئاڤ و کارەبێ و چێکرنا جادان دێ ژ لایێ حکومەتا ھەرێما کوردستانێ ڤە بۆڤێ کارگەھێ ھێنە دابینکرن و د پلان دایە ل پاشەرۆژێ ئەڤ کارگەھە ھێشتا بھێتە بەرفرەھکرن و بەرھەمێ ڤێ کارگەھێ دێ بۆ ھەمووپارێزگەھێن ھەرێما کوردستانێ و عیراقێ ھێتە رەوانەکرن و پێشبینی دھێتەکرن بەرھەمێ ڤێ کارگەھێ بۆ ژ دەرڤەی عیراقێ ژی بھێتەھنارتن و گۆت: "خەلکێ دەڤەرێ ب گشتی دێ گەلەک مفایی ژ ڤێ کارگەھێ بینن و دەلیڤێن کاری دێ بۆ پتری ١٠٠ کەسان ل ڤێ کارگەھێپەیدابن.