زێدەتر ژ ٣٠ هزار تەنێن کەلوپەلان ل دەروازێ ئیبراهیم خەلیل هاتینە ڤەگەراندن و ژناڤبرن
كورديو-دھوک
کامی کەمال بەرپرسێ په‌یوه‌ندى و راگه‌هاندنا كومه‌لگه‌ها ده‌روازێ نێڤده‌وله‌تى یێ ئیبراهیم خه‌لیل راگەھاند د دەمێ هەشت هەیڤێن سالا٢٠٢٠دا وان دەست ب سەر پتری ٣٠ هزار تەنێن کەلوپەلێن جۆدا، یێن دەم بسەر ڤەچوویی دا گرتینە، پشکەک ژ وان کەلوپەلان ھاتینەزڤراندن بۆ تورکیا و پشکەک ژی ژبەر دەم بسەرڤەچوونێ هاتینە سۆتن و ژناڤبرن.
بەرپرسێ راگەھاندنا کومەلگەھا ده‌روازێ نێڤده‌وله‌تى یێ ئیبراهیم خه‌لیل دیارکر ژی د دەمێ ھەیڤەکێ دا سێ هزار و شەش سەد و حەفتێو چار تەن و شەش سەد و حەفتێ و حەفت كیلوگرامێن كه‌ره‌ستێن جۆدا ل تاقیگه‌هـ و لژنێن په‌یوه‌ندیدار یێن سه‌ر ب كۆمه‌لگه‌ها ئیبراهیمخه‌لیل ڤه نه‌هاتینە پەسەند کرن و پشکەک ژ وان هاتینه زڤراندن و پشکەک ژى هاتینە ژناڤبرن، ژبه‌ر كو ل گه‌ل رێنمایێن حوکمه‌تا هه‌رێماكوردستانێ نه‌دگۆنجان، ب رەنگەکێ گشتی ئەو كه‌ره‌سته پێكهاتبوون ژ كه‌لوپه‌لێن (ساخله‌میێ، خوارن و ڤه‌خوارنێ، جوانکاریێ، فیتێرنه‌رى،چاندن و بیناسازیێ).
