فراكسیونا یه‌كگرتوو ل جڤاتا نوینه‌رێن عێراقێ لدور "سه‌ربڕینا" خێزانه‌كا كورد ل به‌غدا به‌یاننامه‌یه‌ك به‌ڵاڤكر
كورديو
فراكسیونا یه‌كگرتوو ل به‌غدا لسه‌ر سه‌ربڕینا خێزانه‌كا كورد ل به‌غدا به‌یاننامه‌یه‌ك به‌ڵاڤكر.
فراكسیونا یه‌كگرتوو ل جڤاتا نوینه‌رێن عێراقێ راگه‌هاندییه: ئه‌م ل فراكسیونا یه‌كگرتوویا ئیسلامیا كوردستانێ ل جڤاتا نوینه‌رێن عێراقێ ب توندترین شێوه و ب هه‌می ده‌سته‌واژه‌یێن ئیندانه و شه‌رمزاریێ بۆ وێ تاوانا هۆڤانه یا خێزانه‌كا كوردی پێكهاتی ژ باب دارا ره‌ئوف و ده‌یك عالیه ره‌شید و كچ یا ده‌رمانساز شیلانێ دوهی ل به‌غدا تووشبووینه ، كو تێدا بنبڕكرنا ئه‌ڤێ خێزانا كوردی كرییه، و هاتینه سه‌رژێكرن ب شێوه‌یه‌كێ وه‌حشیگه‌رانه دویر ژ هه‌می بنه‌ما و كلتوران ..
ئه‌ڤا ل خوارێ ژی ده‌قێ به‌یاننامێیه:
بسم الله الرحمن الرحیم
ئه‌م ل فراكسیونا یه‌كگرتوویا ئیسلامیا كوردستانێ ل جڤاتا نوینه‌رێن عێراقێ ب توندترین شێوه و ب هه‌می ده‌سته‌واژه‌یێن ئیندانه و شه‌رمزاریێ بۆ وێ تاوانا هۆڤانه یا خێزانه‌كا كوردی پێكهاتی ژ باب دارا ره‌ئوف و ده‌یك عالیه ره‌شید و كچ یا ده‌رمانساز شیلانێ دوهی ل به‌غدا تووشبووینه ، كو تێدا بنبڕكرنا ئه‌ڤێ خێزانا كوردی كرییه، و هاتینه سه‌رژێكرن ب شێوه‌یه‌كێ وه‌حشیگه‌رانه دویر ژ هه‌می بنه‌ما و كلتوران ..
و لدور ڤێ چه‌ندێ ئه‌م دبێژینه جهێن په‌یوه‌ندیدار یێن حكومی یێن به‌رپرس ژ پاراستنا ئارامی و سلامه‌تیا وه‌ڵاتیان كو دووباره‌بوونا ڤان كریارێن كوشتن و تیرۆری ل جه‌رگێ پایته‌ختی ل به‌غدا ئاماژه‌یێن گه‌له‌ك خراب لدویڤ خۆدا دئینیت.
ژبه‌ر ڤێ لسه‌ر جهێن ئه‌منی پێدڤییه پتر رۆلێ خۆ ببینن و كار بكه‌ن بۆ به‌رقه‌راربوونا ئه‌منێ، و داخوازێ دكه‌ین بۆ ئاشكراكرنا هویركاریێن ڤێ تاوانا هۆڤانه، و دانه دادگه‌هێ یا تاوانباران داكو سزایێ خۆ ب دادپه‌روه‌ری وه‌رگرن ، داخازێ ژ خودایێ مه‌زن دكه‌ین ب به‌هشتا به‌رین شادبكه‌ن و صه‌بر و هه‌دارێ بده‌ته كه‌س و كارێن وان.
فراكسیونا یه‌كگرتوویا ئیسلامیا كوردستانێ ل جڤاتا نوینه‌رێن عێراقێ
16/9/2020
