لە گەرمیان مۆڵەتی دروستكردنی یەكەی نیشتەجێبوون بۆ فەرمانبەران وەرگیراوە و نزیكەی سێ هەزار خانوو بۆ فەرمانبەران دروست دەكرێت و بەپێی خاڵبەندی بەسەر بەشداربواندا دابەش دەكرێت.

عەلی حسێن پەیامنێری كوردیو لە گەرمیانەوە پێی ڕاگەیاندین: لەدوای ئەوەی لە ماوەی ڕابردوودا مۆڵەتی بۆ وەرگیرا، پرۆژەی دروستكردنی خانوو بۆ فەرمانبەرانی گەرمیان كەوتەبواری جێبەجێكردنەوە و بەم نزیكانە كارەكانی دەست پێ دەكات.

هەروەها ووتیشی: پرۆژەی یەكەی نیشتەجێبوونی فەرمانبەران ژمارەیان دوو هەزار و 889 خانوەو پرۆژەكە دەكەوێتە نێوان قەزای كەلار و ناحیەی ڕزگارییەوەو بە شێوازی خانوو و بەشێكیشیان بە شێوەی شوقە دروست دەكرێن و بەپێی خاڵبەندی بەسەر بەشداربواندا دابەش دەكرێت.