پرۆسا چاندنا پرچێ ڕێکارەکا نۆژداری و جوانکارییە ژلایێ نۆژدارەکێ پسپۆرڤە دناڤ سەنتەرێ نۆژداریدا دهێتە ئەنجامدان، بەلێ پرسیار دەربارەی ب زیانێن چاندنا پرچێ هەردەم دناڤ مەژیێ وان کەسان دمینیت کو چێدبیت بڤێت پرچا خۆ بچینن.

ل بابەتەکێ مالپەرێ "ويب طب"دا هاتییە، چاندنا پرچێ مفا هەیە و وەک چارەسەر دهێتە دانان بۆ:

١.ئەو کەسێن ب دەست وەریانا پرچێ دناڵن، بەشێ تەنکبوویێ پرچێ پڕدکەت.

٢.چارەسەریا وەریانا پرچێ دکەت.

ب گۆرەی ڤەکۆلینێن زانستیژی، چاندنا پرچێ زیانژی هەنە، کو بریتینە ژ:

١.خوریان: کارڤەدانەکا سروشتییە و ئاماژەیه بۆ هندێ لەشی دەست ب بەرسڤدانێ کریە، بەلێ یا گرنگە ب هیچ شێوەکێ نەخۆرینی چونکی دێ زیانێ گەهینیتە پیستێ سەرێ تە.

٢.وەرمتن: ئێکە ژ کاریگەریێن لاوەکیێن بەربەڵاڤ، ڕامانا وێ ئەوە کو پێستێ سەرێ تە دەست ب باشبوونێ کریە.

٣.برین: زۆر جاران پێستێ سەر تووشی برینان دبیت.

٤.پنی: چێدبیت هندەک پنی لسەر پیستێ سەری دەربکەڤن، یان هندەک جاران توند و ب ئازار بن و ڕەنگێ وان سوور بیت.

٥.دروستبوونا هەستیاریێ ل نێزیک چاڤان.

بۆ ڤێ مەرەمێ نۆژدار کۆمەکا شیرەتان بەرچاڤ دکەن بۆ خوپاراستن ژ زیانێن چاندنا پرچێ.

-بەری نەشتەرگەریێ دەربارەی هەر دەرمانەکی دگەل نۆژداری پاخڤە، چێدبیت تە هەسیاری ب هندەک دەرمانان هەبیت.

-خارنا دەرمانێ دژە هەوکرنێ یان دەرمانێ ئازارشکێن کو نوژدار پشتی پرۆسا چاندنا پرچێ بۆ تە دنڤیسیت.

-باشترە چەند حەفتیان بەری نەشتەرگەریێ چ دەرمانان نەخۆی یان جگاران نەکێشی.

-چوون بۆ ناڤەندەکا نوژداری یا دەستیرپێدای و تایبەتمەند دبیتە ئەگەرێ دیرکەفتن ژ ئاریشێن وەکی هەوکرن یان بکارئینانا ئامیرێن پیس و نەساخلەم.