هەر ژ وەرگرتنا وی ژبۆ پۆستێ [شازدەیێ] ل دويماهييا ساڵا 2016 و هەتا نها، [محمد بن سلمان] یێ عەرەبستانا سعۆدیێ بەرەڤ نهاڵا پویچاتی و بێخێریێ دهاژۆت، ب تایبەت ب ڕێیا دەستەیا (دەم بۆراندنێ – هيئة الترفيه) ب سەرۆكاتییا كویچکێ ويێ وەفادار بۆ ڕێبازا وییا گەڤنەپەرست وهیچ و پویچ ئەوێ دبێژنێ (توركی ئال شێخ)، نەخاسمە ساڵانە ل وەختێ [دەمساڵا ریازـ موسم الرياض]، نزمترین كەسێن ژ ڕەوشتی شویشتی ل سەر ئاستێ جیهانێ ژ هونەرمەندێن بناڤبانك ب ڕویساتیێ و هەتا دگەهییە ئەكتەرێن فلمێن (پۆرنۆ] یێن سكسی كریارێن خۆیێن بەدرەوشت ل سعۆدیێ ئەنجام ددن و هەمی تشت ژی ل سەر تۆڕا ئەنترنێتێ بەڵگەنامەكری و پارازتینە.
و نویترین داهێنانێن ڤێ دەستهەڵاتا ساقت ل (دەمساڵا ریاز) یا ئەڤ ساڵە هونەرمەندا ئەمریكی یا ژ بونیات لاتینی (جینیفەر لیین لۆپیز-Jennifer Lynn Lopez) بوو، تەقریبەن چیپلاق تازی ب [مایۆى] ل سەر دەپێ شانۆیێ ستران و سەما پێشكێش دكر.
و دیسان ژ چالاكییان: پەیكەرەكێ (كەعبێ) دەینابوون و ئافرەتێن نیڤ ڕویس ل دۆر سەما و نمایش دكرن، نێزیك وێ یەکێ ئەوا ل سەر دەمێ ئەبۆ جەهل و ئەبۆ لەهەبی و جاهلییەتا بەریا ئیسلامێ دهاتە کرن، دەمێ ژ ڕێورەسمێن پەڕستنا سەنەمان د كەعبێڤە بەردەوام ژنێن گاور ب چیپلاق ڕویتى تەوافا كەعبێ دكرن و هندەك جهێن تایبەت هەبوون گەنج لێ دڕاوەستان و تەماشەی وان دكرن هەتا هندەك ژ وان ژنان دەستێ خوە د دانان ل سەڕ جهێ شەرما خۆ و ئەڤ دوو دێرێن هۆزانێ ڤەدگێڕان:

‎الْيَومَ يَبْدُو بَعْضُهُ، أَوْ كُلُّهُ
فَـما بَـــدَا مـِنْهُ فَلا أُحِـــــلُّهُ

ڕاما وان دێران ب کرمانجى: ئەڤرۆ دبت هەمی تەڤ شەرما نەپەنییا من دەركەڤت یان ژی هندەك ژێ پێشچاڤ ببت، ئەوا ژێ بەرچاڤ بووی، ئەز گەردەنا وی ئازا ناكم یێ ڕك و ڕك بەرێ خۆ بدەتێ..ههههه.

و دبێژن: تشتەکێ خراپتر ژى ل ناڤ ئاهەنگێ ڕویدا ئەوژى دەمێ سەماگێڕەکا بیانی ب تەشک و ڕەهنێت ڕویس ل سەر پەیکەرێ کەعبێ پارچەکا سەمایێ ئەداکر، ولا حول ولا قوة إلا بالله العظيم!
هەر چەندە دەستهەڵاتدارییا خوێڕی یا عەربستانا سعۆدێ ئەو چەندە ب دویر ژ ڕاستیێ ل قەلەمدا، لێ فێدیۆ ل سەر پلاتفۆرمێن سوشیاڵ میدیایێ هەنە، تو دشێى ب چاڤێن سەرێ خوە وێ و یا ژ وێ خراپتر تەماشە بكی و گوهـ بدیێ!
لقد أرسلت
بەرەڤ ڕێبازا (ئەبۆ لەهەبى).. (سعۆدى) یا ب لەز دهێتە هاژۆتن
پشکا (2)ـێ
جاسم محمد شرنەخى
د خەلەکا بۆریدا مە بەحس ل بزاڤێن حکۆمەتا سعۆدى ب سەرکێشییا شاهزدەیێ وێ (محمد بن سلمان)ـى ژ بۆ هەلوەشاندنا ڕەوشتى کر، وەکى بەڵاڤکرنا ڕویتى و چیپلاقیێ ل دۆر پەیکەرێ (کەعبێ) یێ دىستچێکرى.
ب ڕاستى ل سەردەمێ جاهلییەت و بێفامیێ هندەک ژ خەلکێ گزیرتەیا عەرەبی نێزیک ڤى ئاوایێ بێ ئەخلاقییا (محمد بن سەلمانى) پەیداکرى، ئەوان عەرەبان طقۆسێن خۆیێن شەیتانی ئەدا دكرن، و وەسا بەردەوام بوون هەتا ئیسلام هاتی و تەڤ لادان و بێخێری و ڕویساتییەك قەدەغەكری، و سنۆرەك ژ بۆ بەدڕەوشتییا بۆری دەیناتی، و فەرمان ب ستارەییێ - ل هەمی جهـ و ڕەوشان و نەخاسمە د ماڵا خۆدێدا – كری، وەكی ئەڤێ فەرمانا خۆدایی:
((یَـٰبَنِیۤ ءَادَمَ خُذُوا۟ زِینَتَكُمۡ عِندَ كُلِّ مَسۡجِدࣲ))
ئانكۆ: ئەى دوونده‌ها ئاده‌مى، ل ده‌مێ كـرنـا هه‌ر نڤێژه‌كێ هوين ب وى كار وكۆكى بن يێ شريعه‌تى فه‌رمان پێ ل هه‌وه‌ كرى، كو جلكه‌كێ وه‌سا بت عه‌وره‌تێ هه‌وه‌ ڤه‌شێرت ويێ پاك وبژوين بت.

ب ڕاستى گەلەک سنۆر ل سعۆدیێ هاتینە بەزاندن تا ڕادەیا گاوریێ ب خۆدێ و گۆتنا دژین و خەبەر و بێ ڕێزییان هەمبەر زاتێ الله تەعالاى ، ئەها خەلکێ جیهانێ ب گوهـ و چاڤێن خۆ دیتن کا چەوان ل ڕێکەفتى ٢٧‏/٠٨‏/٢٠٢٣ سترانبێژا مولحدا ئوستڕالى (ئیگى ئەزالیا- Iggy Azalea) ل سەر دەپێ شانۆیێ ل پایتەختێ وەڵاتى ل (ڕیاز) ئەڤ کوفرى و ئەزمانپیسییە ل دژى خۆدێ تەعالا ب سترانى پێشکێش کر:
"خودێ دا بۆ تشتەکێ بێژم: تۆ بێژە پێغەمبەرێت خۆ: زەڵامەک نینە بشێت ڕێگریێ ل مە بکت.. دێ ڤێجا بۆ خودایا مێ خۆ بچەمینە.. سوجدەیێ بۆ خودایا مێ ببە.. کەس نەشێت ل مە ڕێگر بت... خودێوو بێژە من: کا تو تێگەهشتى دێ چ بێژى پێغەمبەرێن خۆ؟."
استتغفر الله العظيم
ژبلى بێخێرى و بەدڕەوشتییا مە بەرپەڕەک ژێ ڤەگوهازتى، دەستهەڵاتدارییا سعۆدى ڕێبازا وەحشیگەرى و دڕندایەتیێ پەیڕەوکرییە، هەر ژ دەستپێکا وەرگرتنا وی ژبۆ پۆستێ (شەهزادەیێ عەرەبستانا سعۆدی) ل ساڵا 2016، [محمد بن سلمان] وەکۆ هۆڤەکێ بەدڕەوشت ڕێیا خوە ب کوشتار و خوینێ ڤەکر، ل 2-1-2016 هندەک زیندانیێن هزرێ د زندانێن واندا سەرژێکرن، و ل 2- 10- 2018 رۆژنامەڤان و نڤێسەرێ ناڤدار (جەمال خاشقچى) ب فەرمان و پلانا وى هۆڤێ ناڤهاتى ب غەدر و بێ بەختى و بێى هیچ گونەهەک و سۆچەک د ئاڤاهیێ قونسلخانەیا سعۆدیێ دە ل باژێرێ (ئیستانبۆلێ) هاتە سەرژێکرن و پارچەپارچە کرن، ئەڤە ژبلى گرتنا وئەشکەنجەدانا هۆڤانە بۆ هەر زانایەکێ ئاینى و ژبۆ هەر ڕۆناکبیرەکى و ڕەوشەنبیرەکى، ئەگەر تەنها گۆمان ل سەر دیتبن کو ئەو نە ل سەر ڕێیا شاهزەدیە و نە دویڤچۆیێ ڕێبازا وییا بەدڕەوشتییە، ڕاپۆرتا (لیژنەیا ئیسلامی یا مافی مرۆڤی) ئەوا بارەگایێ وێ ل بەریتانیایە دیار دکت: زێدەتر ژ (30) هزار زیندانیێن سیاسی ل گرتیخانەیێن سعۆدیێ دە هەنە و هەمان تشت ژ لایێ (BBC)ـیڤە ژى هاتییە پشتڕاستکرن.
ب گورتى وەسا دیارە ئەڤ سەرسەریێ دبێژنێ (محمد بن سەلمان) - ئەگەر ژێ بهێت ـ ناڕاوەستت هەتا دل و جەرگێ جیهانا ئیسلامێ (سعۆدیێ) ژ لاشێ وێ ڤەنەكتن، و ئەگەر ژێ بهێت دێ بەردەوامیێ دەتە سیاسەتا خۆ هەتا سەنەمان ژبۆ کەعبا پیرۆز بزڤڕینت.
شاهنشینا سعۆدى ل ژێر سیبەرا شاهـ (سلەلمان) و کۆڕێ وى (محمد بن سلمان)ـى ڤان جۆرە كریارێن فوسق و فجۆر و گاوریێ ئەنجام ددن، لێ سەد جارى مخابن هەتا نها گەلەك ژ زانایێن ئاینی یێن ڕەوتێ (سەلەفى) بێ دەنگیێ دهەلبژێرن و هندەك ژ وان پەسنا وان ژى دكن و دبێژن: نابت بێ ئەمرییا وەلی ئەمران بكین..!
هەی نەفرەت ل وەلى ئەمرێن هۆسان بن و ل گەل وان هەمی سەرشۆڕان بن یێن ڤان خوێڕییان ب وەلى ئەمر دزانن.
و هزار سڵاڤ ل وان زانایێت كارپێكەر ب فەرمانێت خۆدێ بن، سڵاڤ ل وان بن یێن دەنگێ خۆ ب حەقیێ بلند كرین، و سەرا گۆتنا ڕاستیێ ئەڤرۆ د زیندانێن سعۆدیێدا ب سەخترین ڕەوش و حال رۆژین خۆ دبۆرینن.