فەیلەسۆفا هزرا سیاسى و ڤەکۆلەرا ئەڵمانى د بیاڤێ تۆڵیتاریزم و دکتاتۆریێدە (هانا ئاڕنت-Hannah Arendt ، 1906 -1975) دبێژت: هەمى دکتاتۆر د جیهانەکا خەیالیدا دژین، چاڤێن وان ڕاستی و دروستییا واقعى نابینن تا داوى دەمژمێر ژنوى تێدگەهن.

 

بەلێ وەیە، وى دەمى ژناڤبرنا وان موحەققەق دبت، ئێدى هیچ تشتت مفایێ وان ناکت، یان دێ ڕەڤن مینا (زین العابدین)ـێ تونسێ، و (بەشار ئەسەدێ دڕەندە، یان ژى دێ خازۆقەک د واندا هێتە قوتان و ب دەستێن شۆڕەشڤانان ب گوللەیێن ئاگرێ تڤنەگا هێنە دڕاندن وەکى قەزافیێ مەلعین و (چاوسیسکۆیێ رۆمانایا) و ژنا وى.

 

ب ڕا ستى هەمى دکتاتۆران بەریا خەلک ل وان ڕابت و وەکى ڤۆڵکانێ ل دژى ستەما وان سەرهەلددن ئەڤ ئاخفتنە دۆبارە دکرن (واقعێ مە جودایە، ئەم جودانە)، هەر وەکى هەمى کوڕ و بابێت ئێک، دێ بێژى هەمى ژ ئێک نفشێ قڕێژێینە، چ ل ڤێرێ بن، یان ل وێرێ بن یان ل وێرا دی بن،

 

قەزافیێ وە دگۆت، حسنى لا موباڕەکى وە دگۆت، بەشارێ هۆڤ وە دگۆت، هەمییان هۆ دگۆت، وەکى کۆچەرا ن کۆتى: قەت ب (...) خوە ناحەسن هەتا داوى دەمژمێر و دیڤڕا شۆڕەشڤان دگەهنە تەڵاڕ و کۆچکێن وان، ژ نوى تێدگەهن و ب (...) خوە دحەسن!