رۆژنامەیەکا ئەمریکی بەحسا رەوشا ئیرانێ ل سەردەمێ نوی یێ ترەمپی دکەت و دبێژیت: ئیرانا لاواز دێ لاوازتر بیت.

رۆژنامەیا وال ستریت جورنال د بابەتەکی دا ب مانشێتێ "ئیرانا لاواز خۆ بۆ رویبرویبوونا ترەمپ 2.0 ئامادە دکەت" ئاماژە دایە چەندین بابەتێن گرێدایی ئیرانێ و راگەهاندییە: نوکە بالێن ئیرانێ ل رۆژهەلاتا ناڤین دهێنە بڕین و ئیران ژ رویێ ئابۆری ڤە گەلەک لاواز و بێهێزە و چ ژێ ناهێت بۆ هەڤپەیمانێن خۆ بکەت.

وال ستریت د بابەتێ خۆ دا ئاماژە دایە کو هەر دەما دۆنالد تڕەمپ، سەرۆکێ هەلبژارتی یێ ئەمریکا چوو سەر دەستهەلاتێ، رەوشا ئیرانێ دێ لاوازتر و بێهێزتر بیت و دێ رویبروی هەڤڕکییێن ئێکجار مەزن بیت.

وێ رۆژنامەیێ ئاماژە دایە: ئیدارەیا ترەمپی هەر ژ نوکە پلان هەنە ل دەما دەستبکاربوونێ، دو کاران بەرانبەر ئیرانێ بکەن، کارێ ئێکێ دژوارکرنا سزایێن ئابۆری یە، کارێ دویێ ژی رێگرییا ئیرانێ یە بۆ بدەستڤەئینانا چەکێ ئەتۆمی و ئەگەر پێدڤی بیت، ئەمریکا دێ هێرشێن ئاسمانی ژی بۆ رێگرییا ڤی کاری کەتە سەر ئیرانێ.