دەزگەهێ لوتکە راگەهاند: د سالا 2024ێ دا دو هزار و 200 کەس د دەریایا ناڤین دا خەندقی نە و بێسەروشین بووینە و ژ وێ ژمارێ ب سەدان زارۆک و سنێلە دناڤدانە.

ل گۆرەی زانیاریێن دەزگەهێ لوتکە، ژ هەر پێنج کۆچبەرێن بزاڤێن دەربازکرنا دەریا ناڤین دکەن، ئێک ژوان زارۆکەکێ دبن ژیێ قانوونی یە و پرانییا وان ژبەر زورداری و هەژاریی ژ وەلاتێن خۆ د رەڤن.

دەزگەهێ لوتکە ئەڤرۆ د ئامارەکا نوو دا بەلاڤکریە، د سالا 2024ێ دا ب تنێ د نیڤەکا دەریایا ناڤین دا، نێزیکی هزار و 700 کۆچبەران خەندقی نە و د ناڤا وان دا ب سەدان زارۆک و سنێلە هەبووینە.

لوتکە ئاشکرا دکەت، ژ ئەگەرا نقومبوونا بەلەمەکا کۆچبەران ل شەڤا سەرێ سالێ ل نێزیک کنارێن دەریایی یێن لیبیا، نێزیکی 20 کەسان بێسەروشین بووینە، ژن و زارۆک ژی دناڤ دابوون و ب تنێ 7 کەس هاتنە رزگارکرن و د ناڤا رزگاربوویان دا زارۆیەکێ سووری یێ 8 سالی دناڤ دابوو کو دەیکا وی د وێ روودانێ دا خەندقی بوو و ئەو زارۆ دگەل رزگاربووین دی بۆ سەنتەرێ پێشوازیکرنا کۆچبەران ل گزیرتەیا لامپێدوسا هاتنە هنارتن.