میدیایا فه‌رمى یا چینێ راگه‌هاند، ئه‌ڤرۆ سپێدێ ل ده‌مژمێر 4:05 خۆله‌ك ب ده‌ما هه‌رێما كوردستانێ ئه‌ردهه‌ژه‌كێ ل چینێ دا زێده‌تر ژ 30 كه‌سان ژیانا خۆ ژ ده‌ستدان، د هه‌یاما 5 سالێن بۆرى دا ئێك ژ بهێزترین ئه‌ردهه‌ژان بوو.

میدیایا فه‌رمى یا چینێ دبێژیت: ئه‌ڤرۆ سپێدێ ل ناوچه‌یا دینگرى ل هه‌رێما تبت ئه‌ردهه‌ژه‌ك ب هێزا 6.8 پله‌یێن رێخته‌ر چێبوو، ناڤه‌ندا رووپیڤا جیۆلۆجى یا ئه‌مریكا ئه‌ردهه‌ژ ب 7.1 پله‌یێن رێخته‌ر تۆماركریه‌ و ب كێمى 36 كه‌سان ژیانا خۆ ژ ده‌ستدایه‌ و ده‌هان كه‌س ژى بریندار بووینه‌ و لێگه‌ڕیان ل ته‌رمان ژى به‌رده‌وامه‌.

ل گۆڕه‌یى میدیایا چینێ د ئه‌ردهه‌ژێ دا هه‌ژماره‌كا خانییان هه‌رفتینه‌ و رزگاركرن و لێگه‌ڕیان ژ ئالیێ تیمێن هاوارهاتنێ ڤه‌ به‌رده‌وامه‌.

ناوچه‌یا دینگرى ل هه‌رێما تبت جهه‌كێ بلنده‌ و نێزیكى 62 هزار كه‌سان لێ دژین، د كه‌ڤیته‌ بنارێ چیایێ ئێڤرست ل ئالیێ چینێ، ئێك ژ بهێزترین ئه‌ردهه‌ژێن 5 سالێن بۆرى بوو.