سودانى و پزيشكييان ل تههران كۆمبوون
سهرۆكوهزیرێن عیراقێ و سهرۆككۆمارێ ئیرانێ ل تههرانا پایتهختێ ئیرانێ كۆمبوون، د كۆنگرهیهكێ رۆژنامهڤانى دا ههر دو ئالى ل سهر ئێكپارچهییا ئاخا سووریا ههڤڕا بوون و سهرۆككۆمارێ ئیرانێ راگههاند، پێدڤییه ئيسرائیل ژ ناوچێ دهركهڤیت.
ئهڤرۆ محهمهد شیاع سوودانى، سهرۆكوهزیرێن عیراقێ گههشته تههرانا پایتهختێ ئیرانێ و ل گهل سهرۆككۆمارێ ئیرانێ، مهسعوود پزیشكییان كۆمبوون، پشتى كۆمبوونێ د كۆنگرهیهكێ رۆژنامهڤانى دا مهسعوود پزیشكییان راگههاند، وان دیتنێن خۆ ل دۆر گوهۆڕینێن ناوچێ ب تایبهت هاریكاریێن دو ئالى د ههموو واران دا بهحسكرن و دوپاتكر، ههر دو وهلات دهربارهیى رهوشا سووریا دیتن ههبوون و هێمنى و ئارامى و پاراستنا ێكپارچهییا سووریا و پێدڤییا دهرچوونا ئيسرائیل ژ ناوچێ بابهتێ وان یێ كۆمبوونێ بوو.
مهسعوود پزیشكییان، سهرۆككۆمارێ ئیرانێ گۆت: دهربارهیى ئێكپارچهییا ئاخا سووریا ئێك دیتن و ئهگهرا زیندیبوونا شاننهیێن نڤستى یێن داعشێ ههیه
ژ ئالیێ خۆ ڤه محهمهد شیاع سوودانى، سهرۆكوهزیرێن عیراقێ ئهزمانێ گهفان رهتكر و داخوازكر رێز ل قانوونێن نێڤدهولهتى بهیته گرتن و دانوستاندنێن گشتگیر بۆ ئاشتى و ئارامیێ ل سهر ئاستێ ههرێمى بهێنهكرن، ئاشكراكر ژى عیراق یا هشیاره بۆ بهلاڤبوونا گهفان و بهرفرههبوونا شهڕى ل دهڤهرێ.
محمهد شیاع سوودانى ئاشكراكر ژى ئهو كارى بۆ ئارامكرنا عهززه و لوبنان دكهت و و ل گهل ئیرانێ ژى دانوستاندن ل دۆر ئابۆرى و ئاساییشێ هاتنه كرن و گۆت: سهقامگێرییا سووریا كلیلا سهقامگێرییا ناوچێ یه و د خوازین ئێكپارچهییا ئاخا سووریا بهێته پاراستن، دهربارهیى گهشپێدانا ئابۆرى ژى ل گهل ئیرانێ رێككهفتین.
