سەرۆکێ هەلبژارتی یێ ئەمریکا ئەردۆگان ب هەڤالێ خۆ ناڤ کر و گۆت: ئەردۆگانی دەربارەی کوردان گوهێ خۆ دایە من، وی رەوشا سوورییێ گوهۆڕی و ئیران و رۆسیا ل وی وەلاتی بێهێز بوون.

دۆنالد ترەمپ، سەرۆکێ هەلبژارتی یێ ئەمریکا گۆت: رەجەب تەیب ئەردۆگان هەڤالێ منە، ئەو رێزێ ل من دگریت و ئەز ژی رێزێ ل وی دگرم و هەر دەما من گوتبیتێ بەلا خۆ ژ کوردان ڤەکە، وی گوهێ خۆ دایە من.

ترەمپی دەربارەی جیهانێ ب گشتی و رەوشا سوورییێ گۆت: هەر دەما ئەز وەک سەرۆک هاتیمە هەلبژارتن، بۆچوونا جیهانێ هاتییە گوهۆڕین و ئەگەر ئەمریکا مە سەرۆکەک هەبا (مەبەست پێ جۆ بایدن، سەرۆکێ نوکە یێ ئەمریکا) رۆسیا شەڕ دەستپێنەدکر. ل سوورییێ ژی، تورکیا چەندین هێز و لایەن برنە د وی وەلاتی دا و ڤەکێشان، ل دویماهییێ رژێما ئەسەدی نەما و رۆسیا و ئیران ل سوورییێ لاوازبوون.