جڤاتا بلندا دادوەریا عیراقێ بریار دا، دەمێ کارکرنا ئەندامێن جڤاتا کۆمسیۆنا بلند یا سەربەخۆیا هەلبژارتنان بۆ دەما دو سالێن دی درێژبکەت.

ژیێ کارێ ئەندامێن جڤاتا کۆمسیۆنێ ل حەفتێ ئەڤێ مەهێ دویماهی هات، و ژ رویێ قانوونی ڤە رۆژەکێ بەری هینگێ پەرلەمان د شێت دەمێ وێ درێژکەت، بەری ئەو پرسە بکەڤیتە ددەست جڤاتا دادوەری یا عیراقێ.

ل گۆرەی نڤیسارەکا جڤاتا بلندا دادوەریا عیراقێ، کو ئەڤرۆ رۆژا چارشەمبی هاتییە دەرکرن، ژیێ کۆمسیۆنێ ژ 7-1-2025 تا 6-1-2026ێ هاتە درێژ کرن و هاتییە، ئەگەر دیتنەکا دی یا سیاسی هەبیت ژبلی ئەوا د نڤیسارێ دا هاتی، پەرلەمانێ عیراقێ د شێت ل گۆرەی وێ دەستهەلاتا قانوونی یا هەیی، قانوونا کۆمسیۆنا بلند یا سەربەخۆیا هەلبژارتنان هەموار بکەت.

ئەڤ بریارە ل دەمەکی هات، ئەڤە سێییەم جارە کارێ جڤاتا کۆمسیونێ دهێتە درێژکرن، هەر دو جارێن پێشتر ژیێ وێ ژ ئالیێ پەرلەمانی ڤە هاتبوو درێژکرن.