تا نوکە جڤاتا وەزیرێن حکومەتا کاربرێکەرا هەرێمێ نەگەهشتیە چارەسەریێ بۆ مووچەیێ هەیڤا 12 و بڕیارە شاندەکی بهنێریتە بەغدا بۆ داخازکرنا پارەی.

ژێدەرەکێ ئاگەهدار ل حکومەتا کاربرێکەرا هەرێمێ راگەهاند، بڕیارا دوماهییێ لسەر مووچەیێ هەیڤا 12 نەهاتیە دان، ژبەرکو هەرێم چاڤەرێ بەغدایە پارەیێ دی بۆ بهنێریت و بەغدا ژی دبێژیت وان پارەیێ مووچەیێ 12 هەیڤان هنارتیە.

ئاماژە ب وێ یەکێ ژی کر، د کۆمبوونا دوهى یا حکومەتا کاربرێکەرا هەرێمێ دا ئاخفتن لسەر مووچەیێ هەیڤا 12 هاتە کرن، لێ چ بڕیار نەهاتنەدان.

وەزارەتا داراییا عیراقێ ژی بەلاڤکریە، سالا 2024ـێ وان کوژمێ 10 ترلیۆن و 904 ملیار دینار بۆ مووچەیێ 12 هەیڤان بۆ هەرێمێ هنارتیە و ئەو کوژمێ پارەی ژ پارەیێ مووچەیێ هەیڤانەیێ فەرمانبەرێن هەرێمێ زێدەترە، لێ تا نوکە حکومەتا کاربرێکەرا هەرێمێ داخازا پارەیێ زێدەتر دکەت بۆ مووچەیێ هەیڤا 12.