رۆژنامه‌یا توركیا د هه‌ژمارا خۆ دا دبێژیت: ل ده‌مه‌كێ نێزیك عه‌بدوللا ئۆجه‌لان دێ سێ داخوازییا كه‌ت و ئێك ژ وان ژى ئه‌وه‌ دێ ژ بالێ په‌كه‌كێ ل سووریا خوازیت وى وه‌لاتى بجهـ بهێلن.

لدويڤ رۆژنامه‌یا توركیا، خالێن بانگه‌وازییا ئۆجه‌لانى دێ ژ ڤان سێ خالان پێك هێن:

بانگه‌وازییه‌ك بۆ قه‌ندیلى یه‌

داخوازییا دووێ بۆ ئه‌ورۆپایه‌

داخوازییا سێ یێ بۆ بالێ په‌كه‌كێ یه‌ ل سووریا

ده‌مه‌كه‌ ژ عه‌بدوللا ئۆجه‌لان دهێته‌ خواستن رۆلى بگێڕیت كو په‌كه‌كه‌ چه‌كێ خۆ ب دانیت و دوماهیێ ب شه‌ڕى بینیت و ب ڤێ یه‌كێ توركیا دێ كه‌ڤیته‌ د قۆناغه‌كا دى دا.

پشتى داخویانیێن مه‌هه‌پێ و سه‌رۆكێ وێ پارتێ  ده‌وله‌ت باخچه‌لى ل دۆر ئۆجه‌لانى، شانده‌كا ده‌م پارتى چوونه‌ ئیمرالى و ل گه‌ل عه‌بدوللا ئۆجه‌لانى كۆمبوون و پشتى كۆمبوونێ سه‌را ئالیێن سیاسى دده‌ن.

هێته‌ چاڤه‌ڕێكرن شاندا ده‌م پارتى جاره‌كا دى بچیته‌ ئیمرالى و ل گه‌ل عه‌بدولا ئۆجه‌لانى كۆمبیت و نامه‌یا وان ئالیێن ل گه‌ل كۆمبووین ب گه‌هینیته‌ وى و دیسا جاره‌كا دى نامه‌یا ئۆجه‌لانى ژى بۆ جادده‌یا توركیا رۆهن بكه‌ن.